Aizaaya 1:11 - EBƆRƐ BE KAWƆL

¹¹ Ebɔrɛ yɛ: “Men tama fanɛ mee sha esarga nɛ menyee lara a sa ma ere kikɛ nna a? Mbolpɔ nɛ asɔbɔya pɔtɛ be eblaŋ be alela akpa nɛ menyee chɔɔ a lara esarga a sa ma na fi ma. Ma alɛ maŋ naa sha egbolu nɛ mbolpɔ nɛ mboe be ŋklaŋ gba.

Aizaaya 1:11 ပူးပေါင်းရင်းမြစ်များ

Nshɛ 40:6

Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Nshɛ 51:16

Esarga nɛ etoto daa bɔlɔ fo kenishi nna, n daa beeŋ bar fo amo.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Jɛremaya 7:21

Ade kikɛ be kaman, nɛ Enyɛnpetale, Israɛl be Ebɔrɛ na naŋ kaŋɛ Juda be basa na le: “Ma shɛŋ maŋ naa wɔ menyi be esarga to. Amoso men sa maŋ naa gben menyi be amu a bar amo m ba kaa sa ma. Ama nɛ men kaŋ bar amo malɛ, menyeeŋ tiŋ n daŋɛ eblaŋ na n we.

Hoziya 6:6

Mannɛ menyi be asɔbɔya be esarga nɛ mee sha, ama menyi be karechɛ kama be kasha nɛ menyeeŋ baa kɔ a sa ma na nɛ mee sha. Kusɔ nɛ mee sha e la ma basa ka beeŋ baa nyi ma, mannɛ esarga chɔɔso be kebaa lara e sa ma.

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Eemɔs 4:5

Men ta men be bodobodo nɛ a kɔ yisi na m ba lara kechɔrɔ be sarga nsaa puchi ŋkpal esarga damta nɛ men bar na so ŋkpal manɛ so, loŋ nɛ menyee sha kebaa wora.

Eemɔs 5:21

Enyɛnpe Ebɔrɛ yɛ: “Ŋ kishi menyi be kabɔrɛshuŋ be kejigboŋana be asheŋ alegaiso.

Eemɔs 5:22

Hale nɛ men lara esarga chɔɔso nɛ ayu be esarga gba m ba sa ma, maaŋ sɔ amo. Men be asɔbɔya danso duliduli lela gba be asheŋ maaŋ bɔlɔ ma kenishi.

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Heegai 2:14

Ndoŋ nna nɛ Heegai kaŋɛ: “Enyɛnpe Ebɔrɛ na yɛ, aloŋ koŋwule na nɛ k du a laŋɛ basa ere nɛ efuli na kikɛ be kaplɛa so ŋ kutɔ. Kusɔ kama nɛ baa wora nɛ asɔ kama nɛ baa ta a lara esarga na kikɛ maŋ walɛ so.”

Zakareya 7:5

E yɛ: “Kaŋɛ efuli na so ebi nɛ bɔrɛmatapoana na fanɛ mannɛ ma ere be kemaŋkura so nɛ b daa kishi nsaa shu nli kufɔl nusopo nɛ keshunusopo na to nfɛ adushunu nɛ a choŋ na.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Matiu 22:4

Ndoŋ nna nɛ e naŋ shuŋi anya ko n ti so ŋ kaŋɛ bumo: ‘Men ya kaŋɛ basa nɛ n tre na fanɛ n loge ma kejigboŋ be ajibi na. B teŋ bɛ ma ana nɛ amo be afɔlbi danso n loge nɛ kusɔ kama wora shiriya, amoso, men baa ba kejafɔ to be kejigboŋ na to.’

Matiu 9:13

Le nɛ abɔrɛsibɛ na bee kaŋɛ fanɛ Ebɔrɛ bee kaŋɛ: ‘Mannɛ esarga be kelara nɛ mee sha. Abar be kebaawora kelela nɛ mee sha.’ Men ya keni n fin kumo be kifito. M maŋ ba nna nɛ m ba tre basa nɛ baa tre bumo be amu basa lela, alubiworapoana nɛ m ba nɛ m ba tre.”

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.