Aizaaya 1:1 - EBƆRƐ BE KAWƆL

¹ Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 1:1 ပူးပေါင်းရင်းမြစ်များ

2 Bewura 15:1

Israɛl be ewura Jeroboam be kuwurji be kafɛ adunyɔ nɛ ashunusopo to nɛ Amaziya pibinyɛn Uziya malɛ ki Juda be ewura.

2 Bewura 15:13

Ewura Uziya ka ji Juda be kuwura be kafɛ adesa nɛ akpanusopo to nɛ Jabesh malɛ pibinyɛn Shalɔm ki Israɛl be ewura nseŋ ji kuwura Samɛria be kade to kufɔl koŋwule.

2 Bewura 15:32

Remaliya pibinyɛn Pɛka nɛ e la Israɛl be ewura na be kuwurji be kafɛ nyɔsopo to nɛ Uziya pibinyɛn Jotam malɛ ki Juda be ewura.

2 Bewura 15:7

Ewura Uziya ka wu, Jerusalɛm nɛ k la ewura Deevid be kade to nɛ b ya puli mo nɛ mo pibinyɛn Jotam sɔ mo so n ji kuwura.

2 Bewura 18:1

Jemanɛ nɛ Ela pibinyɛn Hoshiya daa ji Israɛl be kuwura na be kafɛ sasopo to, nɛ Ahaz malɛ pibinyɛn Hɛzekaya ki Juda be ewura.

2 Bewura 19:2

Kumo be kaman nɛ e shuŋi Eliakim nɛ e bee keni ewurkpa so na nɛ Shɛbna nɛ e la ewura be esibɛpo nɛ bɔrɛmatapo nimusoana anebi Aizaaya nɛ e la Amɔz pibinyɛn na kutɔ. Bumo alɛ gba daŋ buu kagbenejijaso be asɔbuuso nna m ba.

2 Kronikɛls 26:1

Ewura Amaziya ka wu na nɛ Juda be efuli so ebi kikɛ lara Amaziya pibinyɛn Uziya nɛ e daa la nfɛ kuduashe na ŋ ki ewura. Uziya daŋ ji kuwura Jerusalɛm to nfɛ adunu nɛ anyɔ nna. Mo nio e daa la Jekolia nɛ e shi Jerusalɛm na. Mbe saŋɛ so nɛ e naaŋ kɔ n sɔ Elɛf nseŋ lɔŋɛ kumo m pɔr.

2 Kronikɛls 26:22

Anebi Aizaaya nɛ e la Amɔz pibinyɛn na e daŋ sibɛ kusɔ kama nɛ ewura Uziya daŋ wora saŋɛ so nɛ e daa ji kuwura na.

2 Kronikɛls 27:1

Nfɛ adunyɔ nɛ anu nɛ Jotam daŋ ji pɔɛŋ nseŋ ji kuwura ashi Jerusalɛm to nfɛ kuduashe. Mo nio e daa la Zadɔk pibiche Jerusha.

2 Kronikɛls 28:1

Nfɛ adunyɔ nɛ Ahaz daŋ ji pɔɛŋ nseŋ ki ewura, mo alɛ daŋ ji kuwura Jerusalɛm to nfɛ kuduashe nna. E daa maŋ bɛ kebaawɔtɔ lela nɛ mo nananyɛn ewura Deevid daa kɔ na so n wora kusɔ nɛ k bee par Enyɛnpe Ebɔrɛ na.

2 Kronikɛls 29:33

nseŋ ta egbolu alfa ashe nɛ ekpakpa ŋgboŋ asa n lara sarga ŋ kule Enyɛnpe Ebɔrɛ be nɛfa.

Nshɛ 89:19

Le nɛ fo daŋ bɔla bɔrɛdare to ŋ kaŋɛ fo bebɛsopo nɛ baa ji kashenteŋ a sa fo na: “Ma e naa sa enapo eleŋ. Ma alɛ e ta kuwurputi na n sa esa nɛ ŋ gbagba lara ashi ma basa to.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 2:1

Kubɔya nɛ Enyɛnpe Ebɔrɛ na ta n sa Aizaaya nɛ e la Amɔz pibinyɛn a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so nde:

Aizaaya 20:2

Nfɛ asa pɔɛŋ nɛ loŋ wora na, Enyɛnpe Ebɔrɛ na daŋ kaŋɛ Aizaaya nɛ e la Amɔz pibinyɛn na nna fanɛ e gbaŋ mbe asɛbta nɛ keeli be kusɔbuuso nɛ e daŋ buu na n nase. Ndoŋ nna nɛ e wora kasonu nseŋ gbaŋ amo kikɛ n nase nseŋ delge so a nite aya fuloŋ.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 37:2

Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.

Aizaaya 38:1

Le be jemanɛ ere nɛ kulɔ ko pɛ ewura Hɛzekaya nɛ a daŋ ka gbrɛ nɛ e wu. Ndoŋ nna nɛ anebi Aizaaya nɛ e la Amɔz pibinyɛn na yɔ nɛ e ya bɔ mo so nseŋ kaŋɛ mo le: “Enyɛnpe Ebɔrɛ yɛ fo bela ase n lɔŋɛ fo kusɔ kama n yili nɛnɛ, ŋkpal manɛ so, fo maaŋ naŋ nya alenfia. Bela ase a jo luwu.”

Aizaaya 40:9

Fo nɛ fo kɔ baru lela a ba Zayɔn na, e dii n yɔ kebee jeŋgreŋ na so. Fo nɛ fo kɔ baru lela a ba Jerusalɛm to na, bugi kɔnɔ m ponte awɔrso; maŋ kumo so nsaa maa lɔ kufu. Kaŋɛ nde nɛ a wɔ Juda be efuli so na le: “Menyi be Ebɔrɛ bee ba!”

Aizaaya 6:1

Kafɛ nɛ ewura Uzzaya wu na nɛ ŋ ku bɔrɛdare n wu Enyɛnpe Ebɔrɛ na nɛ e tase mbe kuwurputi so kemaŋkura nɛ bunyanso. Mbe kuwurpiŋi daŋ sɔ bɔrɛlambu na be kaplɛkama nna.

Aizaaya 7:1

Ewura Ahaz, mo tuto e daa la Jotam nɛ mo nananyɛn malɛ daa la Uzaya. Jemanɛ nɛ ewura Ahaz daa ji kuwura Juda be efuli so na nɛ Siriya be efuli so be ewura, Rezin nɛ Israɛl be efuli so be ewura nɛ baa tre Pɛka, nɛ e la Remaliya pibinyɛn na, daŋ cha abar m ba kɔ Jerusalɛmebi kena nna, ama b daŋ maŋ tiŋ ŋ kɔ n sɔ kadegboŋ na.

Jɛremaya 23:16

Kumo be kaman nɛ Enyɛnpetale Ebɔrɛ na naŋ kaŋɛ Jerusalɛm to be basa na le: “Men sa maa nu asheŋ nɛ anebiana na bee kaŋɛ menyi na. Tama fuloŋ nɛ baa sa menyi. Asɔ nɛ bumo be nfɛra sa bumo nɛ baa kaŋɛ menyi, mannɛ kusɔ nɛ ŋ kaŋɛ.

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Hoziya 1:1

Saŋɛ so nɛ Uziya, nɛ Jotam nɛ Ahaz nɛ Hɛzekaya daa ji Juda be efuli so be kuwura, nɛ saŋɛ so nɛ Jehɔash malɛ pibinyɛn Jeroboam daa ji Israɛl be efuli so be kuwura na, nɛ Enyɛnpe Ebɔrɛ ta kubɔya ere n sa Beeri pibinyɛn Hoziya.

Eemɔs 1:1

Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Eemɔs 4:5

Men ta men be bodobodo nɛ a kɔ yisi na m ba lara kechɔrɔ be sarga nsaa puchi ŋkpal esarga damta nɛ men bar na so ŋkpal manɛ so, loŋ nɛ menyee sha kebaa wora.

Maika 1:1

Kamalga ere nɛ Enyɛnpe Ebɔrɛ daŋ ta n sa Maika nɛ e daŋ shi kade nɛ baa tre Moreshɛf na. E yɛ: “Jemanɛ nɛ Jotam nɛ Ahaz nɛ Hɛzekaya daŋ ji Juda be efuli so be kuwura na, nɛ Enyɛnpetale Ebɔrɛ daŋ lara loŋ be asheŋ ere ŋ ŋini Maika a laŋɛ ndegboŋ nɛ baa tre Samɛria nɛ Jerusalɛm na be kaplɛa so.

Nahum 1:1

Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.

Habakuk 2:2

Ndoŋ nna nɛ Enyɛnpe Ebɔrɛ na kaŋɛ ma le: “Sibɛ kusɔ kama nɛ meeŋ lara ŋ ŋini fo n deŋi ajembu peŋgeleŋ peŋgelembi so nɛnɛ, saŋɛ na so basa beeŋ baa wu amo a kraŋ manaŋ manaŋ.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Nɔmbɛs 24:16

Mo e naa nu Ebɔrɛ be mmalga nsaa pin amo to; Mo e kɔ nfɛra nɛ k shi Enyɛnpetale Ebɔrɛ na kutɔ, nsaa nya kewuŋkaŋɛ Enyɛnpetale Ebɔrɛ na kutɔ, nsaa tɔr kasawule a bunyaŋ mo na.

Nɔmbɛs 24:4

nsaa nu kusɔ nɛ Ebɔrɛ bee kaŋɛ na. Ma anishi yil nna nɛ k wora ma lemm fanɛ edare na nɛ n nya bɔrɛdare ashi Enyɛnpe Ebɔrɛ kutɔ.

Matiu 17:9

Ndoŋ nna nɛ bumo kikɛ fara a gbelge kebee na so nɛ Yesu ji bumo asoe to ŋ kaŋɛ: “Men sa maŋ kaŋɛ esa kikɛ kusɔ nɛ men wu na be asheŋ hale nɛ ma, Nyiŋgbasa Pibinyɛn e ya tiŋi luwu to.”

Ashuŋ Shunso 10:17

Loŋ be bɔrɛdare nɛ Pita daŋ ku na be kifito be kepin daŋ chinchiŋ mo ga. Jemanɛ ere so nɛ basa nɛ Kɔɔnilias daŋ shuŋi na wu kowu nɛ Saimɔn daa wɔ to na m ba kaa yil kumo be kabuna to

Ashuŋ Shunso 26:19

“Amoso, Ewura Agripa, m maŋ kini kenu n sa bɔrɛdare nɛ k shi ebɔrɛso m ba ma kutɔ na.

2 Kɔrintebi 12:1

A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.