3 Jɔn 1:6 - EBƆRƐ BE KAWƆL

⁶ B ba ji fo kasha be asheŋ asɔri ere to nfe. Jande chɛ bumo to nɛ b naŋ nya bumo be enite na to be ekpa a yɔ fanɛ kananɛ asheŋ daga Ebɔrɛ be anishito.

3 Jɔn 1:6 ပူးပေါင်းရင်းမြစ်များ

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

Jona 4:4

Nɛ Enyɛnpe Ebɔrɛ kaŋɛ: “Nuso be ekpa nɛ fo kɔ nɛ fo nya agbo?”

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Ashuŋ Shunso 15:3

Asɔriebi na ka keta bumo n lar ekpa m bɛta nɛ b bɔla Fenisha nɛ Samɛria ŋ kaŋɛ ndoŋ be asɔriebiana kananɛ nnyamase gba fara a bɛ Ebɔrɛ so nɛ kumo be loŋ be baru na fuli bekurgepoana na kikɛ be ŋgbene ga.

Ashuŋ Shunso 21:5

Ama anyi be keyige bumo n yɔ be saŋɛ ka ba fo nɛ an lar bumo kutɔ ndoŋ. Bumo kikɛ nɛ bumo be beche nɛ mbia e daŋ shuŋi anyi n lar kadegboŋ na to nɛ an kikɛ ya gbir shishɛr so ashi teku na ase ŋ kule Ebɔrɛ.

Romebi 15:24

n yili kumo nna fanɛ ŋ kaa yɔ Speen be efuli so, meeŋ wu menyi. Ŋ kaŋ wu menyi m moɛ gbrɛ nɛ n shin nɛ men chɛ ma to ashi ma enite na to.

2 Kɔrintebi 1:16

Ŋkpal manɛ so, n daŋ yili kumo nna fanɛ ŋ kaa yɔ Masɛdonia, meeŋ bɔɔ menyi so. Ma alɛ naŋ ya shi Masɛdonia a bɛta a choŋ nɛ m ba shin nɛ men chɛ ma to nɛ n yɔ Judiya.

Filipaiebi 4:14

Ama mee chɔrɔ menyi ga ŋkpal kananɛ men chɛ ma to ashi ma etɔrɔ na to so.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

1 Tɛsalɔnikaebi 2:12

An daa leŋ menyi to a lɔlɔ menyi nseŋ daa kaŋɛ menyi kananɛ menyeeŋ baa wora nɛ menyi be kebaawɔtɔ e baa par Ebɔrɛ nɛ e bee tre menyi a ba mbe kuwura nɛ kemaŋkura na to na.

Taites 3:13

Wora ania n chɛ Zinas demujipo na to nɛ Apɔlɔs to nɛ b nya bumo be enite na be ekpa nseŋ naŋ nya kusɔ kama nɛ k daga fanɛ b nya.

1 Pita 2:20

Ama nɛ fanɛ b kpal men be alubi so nna m bri menyi nɛ men nyiti loŋ be kebri na, manɛ be mbo e wɔ kumo to? Ama nɛ fanɛ b kpal kelela ko so nna n tɔrɔ menyi nɛ men nyiti loŋ be tɔrɔ na, kumo ere, k kɔ mbo ashi Ebɔrɛ be anishito.

3 Jɔn 1:12

Demitrias bre, ekama bee malga mbe kebaawɔtɔ lela be asheŋ nɛ loŋ be kebaawɔtɔ na malɛ nɛ kashenteŋ be keŋini na maa lar abar kaman. Anyi alɛ gba bee ji mbe kebaawɔtɔ lela be shɛda nɛ fo alɛ nyi anyi be shɛda ka la kashenteŋ.