3 Jɔn 1:5 - EBƆRƐ BE KAWƆL

⁵ N teri shaso, kananɛ fo ta kagbene koŋwule a wora ashuŋ a sa bekurgepoana na ŋkeshin nɛ b la befɔ gba nna na, esa beeŋ tiŋ n fute n yige fo so.

3 Jɔn 1:5 ပူးပေါင်းရင်းမြစ်များ

Matiu 24:45

Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Matiu 25:16

Kenya nɛ e daŋ nya ebɔtɛ anu na ya fara epul na to n ta mbe amansherbi na a ji yawu n naŋ nya ebɔtɛ anu be tɔnɔ n ti so.

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

Hibruwebi 13:2

Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.

3 Jɔn 1:10

Amoso, ŋ kaŋ ba, meeŋ lara asheŋ nɛ e bee wora na kikɛ efuli. Meeŋ malga mbe mmalga lubi nɛ e kɔ a na a ji ma asheŋ na kikɛ. Ade malɛ be buushi, mo gbagba kini kesɔ bekurgepoana na, mo alɛ nsaa maa sa bumo nɛ baa sha kechɛ bumo to na ekpa nseŋ naa wɔtɔ a ju loŋ be basa na ashi asɔri to.

3 Jɔn 1:3

Bekurgepo ko ka ba kaŋɛ ma kananɛ fo kɔ kagbene koŋwule a bɛ kashenteŋ be keŋini na so nɛ kananɛ fo baa wɔ kashenteŋ na be kebaawɔtɔ to, ma kagbene fuli ma ga.