3 Jɔn 1:3 - EBƆRƐ BE KAWƆL

³ Bekurgepo ko ka ba kaŋɛ ma kananɛ fo kɔ kagbene koŋwule a bɛ kashenteŋ be keŋini na so nɛ kananɛ fo baa wɔ kashenteŋ na be kebaawɔtɔ to, ma kagbene fuli ma ga.

3 Jɔn 1:3 ပူးပေါင်းရင်းမြစ်များ

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

1 Kɔrintebi 13:6

Kasha wɔ esa to, mbe kagbene maa fuli mo ŋkpal kulubi so, kashenteŋ e naa fuli mbe kagbene.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Filipaiebi 1:4

Saŋkama malɛ ashi ma kabɔrɛkule nɛ mee kule a sa menyi kikɛ to, ŋ kɔ kagbenefuli nna a kule a sa menyi kikɛ,

2 Jɔn 1:2

ŋkpal kashenteŋ be keŋini na ka wɔ anyi to, kumo alɛ ŋkaa beeŋ shir a wɔ anyi to mbaanaayɔ na so.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.

3 Jɔn 1:10

Amoso, ŋ kaŋ ba, meeŋ lara asheŋ nɛ e bee wora na kikɛ efuli. Meeŋ malga mbe mmalga lubi nɛ e kɔ a na a ji ma asheŋ na kikɛ. Ade malɛ be buushi, mo gbagba kini kesɔ bekurgepoana na, mo alɛ nsaa maa sa bumo nɛ baa sha kechɛ bumo to na ekpa nseŋ naa wɔtɔ a ju loŋ be basa na ashi asɔri to.

3 Jɔn 1:2

N teri shaso, ma kabɔrɛkule nɛ ŋ kɔ a kule a sa fo e la fanɛ Ebɔrɛ e shin nɛ kusɔ kama e baŋ nyalɛ n sa fo nɛ fo baa kɔ eyur be alenfia fanɛ kananɛ fo kɔ eleŋ fo kiyoyu to na.

3 Jɔn 1:4

Shɛŋ shɛŋ maa fuli ma kagbene a chɔ kebaanu fanɛ ma mbia wɔ kashenteŋ na be kebaawɔtɔ na to.

3 Jɔn 1:5

N teri shaso, kananɛ fo ta kagbene koŋwule a wora ashuŋ a sa bekurgepoana na ŋkeshin nɛ b la befɔ gba nna na, esa beeŋ tiŋ n fute n yige fo so.