3 Jɔn 1:11 - EBƆRƐ BE KAWƆL

¹¹ N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.

3 Jɔn 1:11 ပူးပေါင်းရင်းမြစ်များ

Nshɛ 34:14

Men yige alubi be kebaawora nsaa wora alela; meeŋ baa kɔ a fin kagbenewushi ashi men be ŋgbene to.

Nshɛ 37:27

Yige asheŋ lubi be kebaawora; nseŋ fara a wora alelasheŋ. Saŋɛ na so fo kaman to ebi beeŋ nya kasawule ere so n chena mbaanaayɔ.

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Aŋasa 12:11

Bedɔpo nɛ b pere kenishi a shuŋ maaŋ paŋ kusɔ jiso kikɛ, ewulpo e naa jija saŋɛ a bɛ asheŋ fuloŋ so.

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 3:20

Alubiworapo kikɛ maa sha kefulto. E maaŋ shuli n luri kefulto to, ŋkpal manɛ so, e maa sha mbe asheŋ lubi na ka lar efuli.

1 Kɔrintebi 11:1

Amoso, men baa kute ma to fanɛ kananɛ mee kute Kristo to na.

1 Kɔrintebi 4:16

Amoso, mee kule menyi nna fanɛ men baa kute ma to.

Ɛfesesebi 5:1

Ŋkpal men ka la Ebɔrɛ be mbia shaso so, men wora ania a du fanɛ mo gbagba.

Filipaiebi 3:17

Ŋ kurgepoana, men chala a kute ma kebaawɔtɔ to nsaa pɛshɛ bekama nɛ baa bɛ kebɛso na so fanɛ kananɛ an nase na.

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

1 Tɛsalɔnikaebi 2:14

Ŋ kurgepoana, kusɔ nɛ k wora menyi na koŋwule na e wora bumo nɛ baa bɛ Ebɔrɛ so a wɔ Judiya na gba. Bumo e la bumo nɛ b la Yesu Kristo peya na. Kananɛ men be efuli so ebi bee tɔrɔ menyi na nɛ Juwebi na ta n tu bebɛsopo nɛ b wɔ Judiya to na gba.

2 Timoti 3:10

Ama fo ere nyi ma keŋini na kikɛ nɛ ma da nɛ ma kebaawɔtɔ be kifi to. Fo alɛ naŋ wu ma yirda nɛ ma kanyiti nɛ ma kasha nɛ kananɛ ŋ kɔ tɔrɔ be kanyiti.

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

1 Pita 3:11

A daga fanɛ amodoŋwura e baa lar alubi to nsaa wora alela. A daga fanɛ e baa fin kagbenewushi nsaa bɛ kumo so saŋkikɛ.

1 Pita 3:13

Nɛ men baŋ pere kenishi a sha kelela be kebaawora, wanɛ e naaŋ tiŋ n tɔrɔ menyi?

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.