3 Jɔn 1:1 - EBƆRƐ BE KAWƆL

¹ Kawɔl ere shi ma nɛ baa tre Enimu na kutɔ nna a yɔ n teri kpakpaso Gayes nɛ mee sha kashenteŋto ga na kutɔ.

3 Jɔn 1:1 ပူးပေါင်းရင်းမြစ်များ

Ashuŋ Shunso 11:30

B ka wora toto na n loge nɛ b ta amansherbi na n shuŋi Baanabas nɛ Sɔɔl nɛ b ya sa ndoŋ be asɔriebi be benimuana na.

Ashuŋ Shunso 19:29

Ndoŋ nna nɛ kebagato na sɔ kade na to kikɛ nɛ jimaŋ yenso na nyaŋ Gayes nɛ Aristaakes, Masɛdonia be basa anyɔ ko nɛ bumo nɛ Pɔɔl daa na na ŋ gberge bumo n yɔ kade na be nshɛrkpa.

Ashuŋ Shunso 20:4

Mo nɛ Pires nɛ e shi Beriya na pibi Sopata nɛ Aristaakes nɛ Sɛkundes nɛ b shi Tɛsalɔnika na nɛ Gayes nɛ e shi Dɛbi na nɛ Timoti nɛ Eeshia be efuli so ebi Tikikes nɛ Trɔfimes na e daŋ yɔ.

Romebi 16:23

Gayes nɛ e la ma kowurnyɛn nɛ nfe be asɔriebi kikɛ bee shɛr mo pe na bee chɔrɔ menyi. Irastes nɛ e la kadegboŋ ere to be amansherbikenipo na nɛ an kurgepo Kwaates bee chɔrɔ menyi.

1 Kɔrintebi 1:14

K par ma ga fanɛ ŋ ka maŋ bɛr men be ekama kabɔrɛbɛr she Krispes nɛ Gayes nawule,

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Jɔn 3:18

Ma mbi shasoana, men sa maŋ shin nɛ an baa kɔ mmalga ŋko nnɔ nawule a sha basa, men shin nɛ an baa kɔ aworbi nɛ kashenteŋ a sha basa.

3 Jɔn 1:2

N teri shaso, ma kabɔrɛkule nɛ ŋ kɔ a kule a sa fo e la fanɛ Ebɔrɛ e shin nɛ kusɔ kama e baŋ nyalɛ n sa fo nɛ fo baa kɔ eyur be alenfia fanɛ kananɛ fo kɔ eleŋ fo kiyoyu to na.