2 Timoti 4:4 - EBƆRƐ BE KAWƆL

⁴ Baaŋ ti bumo be asoe n sa kashenteŋ na nseŋ bugi amo a nu edaŋkaresheŋ be ablɔmbi nɛ a maŋ kɔ kifi.

2 Timoti 4:4 ပူးပေါင်းရင်းမြစ်များ

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aizaaya 30:10

Bumo alɛ bee kaŋɛ anebiana na nna fanɛ b baa lo bumo be nnɔ to. Kusɔ nɛ baa kaŋɛ bumo e la: “Men sa maa kaŋɛ anyi kusɔ nɛ k daga be asheŋ. Men baa kaŋɛ anyi asheŋ nɛ anyee sha kebaanu na, hale nɛ a maŋ la kashenteŋ gba.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Ashuŋ Shunso 7:57

Ndoŋ nna nɛ b ponte eleŋso ga nseŋ ti bumo be asoe nseŋ yarase epul na to kɔnɔkoŋwuleso

2 Tɛsalɔnikaebi 2:11

Amoso nɛ Ebɔrɛ bee shin nɛ kefoe ekpa be eleŋ ba bumo to na. Loŋ e naaŋ shin nɛ b yirda kusɔ nɛ k la efɛ.

1 Timoti 1:4

Shin nɛ b lar ablɔmbi fuloŋ nɛ kakurge to be mmalga tenteŋana na to. Loŋ be mmalga bee bar emɔrɔ nna a maa ŋini kabɔrɛbɛso nɛ k bee shi yirda to na.

1 Timoti 4:7

Baa gelge chilchil be mmalga nɛ edaŋkare be mmalga nɛ a maa bunyaŋ Ebɔrɛ nseŋ ŋini fo kumu abɔrɛsheŋ be kebaawɔtɔ.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 1:15

Fo nyi fanɛ Eeshia be efuli so ebi kikɛ hale Figɛles nɛ Hɛmɔjines gba yige ma n to ŋko?

Taites 1:14

Shin nɛ b sa maŋ naa nu a sa Juwebi be adrasheŋ be ablɔmbi nɛ mbra nɛ a shi basa nɛ b kini kashenteŋ na kutɔ na.

Hibruwebi 13:25

Ebɔrɛ be kuwɔr be kakɛ e baa wɔ menyi kikɛ so.

2 Pita 1:16

Men baa nyi fanɛ mannɛ dimɛdi be kanyiashenso be nfɛra fɛso be ablɔmbi so nɛ an daa bɛ saŋɛ nɛ an daŋ kaŋɛ menyi an Nyɛnpe Yesu Kristo be eleŋ nɛ mbe keba be asheŋ na. An daŋ wu kemaŋkura na kenishiso.