2 Timoti 4:18 - EBƆRƐ BE KAWƆL

¹⁸ Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

2 Timoti 4:18 ပူးပေါင်းရင်းမြစ်များ

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

Nshɛ 121:7

Enyɛnpe Ebɔrɛ na e naŋ kuŋ fo ashi kusɔ kama nɛ k beeŋ tiŋ n doro fo, ŋko m mɔ fo. Saŋɛ na so, shɛŋ shɛŋ maaŋ wora fo.

Nshɛ 37:28

Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Matiu 13:43

Saŋɛ na so nɛ Ebɔrɛ malɛ be basa wɔ bumo Tuto be kuwura to a nyɛkpɛ so fanɛ epeŋi na. To, fo nɛ fo kɔ asoe, fo nu.”

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 11:4

Ta anyi be alubi m paŋ anyi, ŋkpal manɛ so, anyi alɛ gba ta m paŋ ekama nɛ e wora n da anyi so. Sa maŋ shin nɛ an luri kechɔŋkeni to.’ ”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Luuk 22:29

Kananɛ n Tuto lara ma nɛ ŋ ki ewura na nɛ ma alɛ gba bee lara menyi nɛ men ki bewura n tu ma

Baru lela nɛ Jɔn kute na 17:15

M maa kule fo nna fanɛ fo lara bumo ashi durnya ere to, kusɔ nɛ mee kule fo e la fanɛ fo baa kuŋ bumo ashi alubipo na kutɔ.

Romebi 11:36

Ŋkpal manɛ so, mo e pɔr kusɔ kikɛ, mo alɛ to nɛ kusɔ kikɛ bɔla a wɔ ŋkpa to a sa mo. Kemaŋkura e baa wɔ Ebɔrɛ so mbaanaayɔ. Amɛn.

Romebi 16:27

Kemaŋkura e baa la Ebɔrɛ nɛ kanyiasheŋ kikɛ la mo nawule peya ashi Yesu Kristo to na mbaanaayɔ. Amɛn.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

1 Kɔrintebi 15:50

Bekurgepoana, mee kaŋɛ menyi nna na fanɛ kusɔ nɛ b ta eyur nɛ ŋklaŋ n wora maaŋ tiŋ n nya Ebɔrɛ be kuwura na to n luri, kusɔ nɛ k bee bɛ malɛ kikɛ maaŋ tiŋ n nya kakpa nɛ luwu maŋ wɔtɔ n luri.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

Galeeshaebi 1:5

Kemaŋkura e baa wɔ Ebɔrɛ na so hale mbaanaayɔ. Amɛn.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 3:3

Ama Enyɛnpe bre maa chɛrga mbe asheŋ to kikɛ. E beeŋ sa menyi eleŋ nseŋ pete menyi ashi kulubi to.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Pita 5:11

Eleŋ e baa la mo peya hale mbaanaayɔ. Amɛn.

2 Pita 1:11

Saŋɛ na so baaŋ bugi ekpa pawu n sa menyi nɛ men luri an Nyɛnpe nɛ an be Emɔlgapo Yesu Kristo be kuwura nɛ k maŋ kɔ ekar na to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.

1 Samuɛl 17:37

Enyɛnpe Ebɔrɛ na ka baŋ mɔlga ma ashi ebuluŋ nɛ eshishiri to ere bre, e beeŋ mɔlga ma ashi Filisti be kanyɛn ere gba be enɔ to.” Nɛ Sɔɔl malɛ kaŋɛ mo le: “Enyɛnpe Ebɔrɛ na beeŋ chɛ fo to, amoso baa yɔ n ya kɔ mo.”

1 Samuɛl 25:39

Deevid ka nu fanɛ Nabaal wu na, nɛ e kaŋɛ le: “Kemaŋkura e baa la Enyɛnpe Ebɔrɛ na peya ŋkpal Nabaal ka bee tege ma nɛ e sɔ ma kɔnɔ ŋ kɔ mo n sa ma so. Nabaal be kulubi so nɛ Enyɛnpe Ebɔrɛ gberge mo kusoe na.” Kede be kaman nɛ Deevid shuŋi n ya sha Abigɛl.