2 Timoti 4:14 - EBƆRƐ BE KAWƆL

¹⁴ Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

2 Timoti 4:14 ပူးပေါင်းရင်းမြစ်များ

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

Nshɛ 28:4

Gberge bumo kusoe ŋkpal bumo be ashuŋ lubi so; Shin nɛ b nya bumo be asheŋ lubi be kakɔka; n shin nɛ bumo be asheŋ lubi nɛ b wora na kikɛ e laŋɛ bumo so.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Jɛremaya 15:15

Ndoŋ nna nɛ ŋ kaŋɛ le: “Naniere Enyɛnpe Ebɔrɛ, fo pin kebaawɔtɔ nɛ n wɔ kumo to nna na. Nyiŋi ma asheŋ nseŋ chɛ ma to. Shin nɛ n tiŋ n wora n tal basa nɛ baa kɔrfɛ ma na to. Sa maŋ ji bumo kanyiti n shin nɛ b nya ma m mɔ. Baa nyiŋi fanɛ fo so nɛ baa tege ma.

Nfabel 3:64

O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Romebi 2:6

Kusɔ kama nɛ esa wora, Ebɔrɛ beeŋ ka mo kumo be kukɔ.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

1 Timoti 1:20

Loŋ be basa na be beko e la Haimɛneeyes nɛ Alɛkzaanda nɛ n ta m bɔɔ Setani enɔ nɛ b pin fanɛ k daga b ka lar kebaamalga a gbiti Ebɔrɛ to.

2 Timoti 4:15

Fo alɛ gba e baa de mo so, ŋkpal manɛ so, e daa maŋ sa anyi be kubɔya na kashuli hale gbrɛ kikɛ.

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 18:6

Men wora mo kananɛ e wora menyi na gbagba chap. Men laŋɛ kusɔ kama nɛ e wora menyi na ŋ ka mo loŋ be ale anyɔ. Men shin nɛ mbe kawiebi nɛ e ta n wora nsa n sa menyi na e bɔlɔ a kɔ eleŋ ale anyɔ a chɔ amo nɛ e sa menyi na.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

1 Samuɛl 24:12

Enyɛnpe Ebɔrɛ nawule e naaŋ ji anyi kikɛ demu m pin emo nɛ e wora n foe ekpa. Mo alɛ beeŋ gberge fo kusoe ŋkpal kusɔ nɛ fo wora ma ere so. Ama ma ere maaŋ wora fo shɛŋ.