2 Timoti 4:11 - EBƆRƐ BE KAWƆL

¹¹ Luuk nawule e wɔ ŋ kutɔ. Fo kaa ba, fo shin nɛ fo nɛ Maak e ba, ŋkpal manɛ so, e kɔ kechɛto ga ma kushuŋ na to.

2 Timoti 4:11 ပူးပေါင်းရင်းမြစ်များ

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Matiu 19:30

Ama bedamta nɛ b juŋkpar naniere beeŋ ba ki bemantopo nɛ bedamta nɛ b shir kaman naniere e ba ki bejuŋkparpo.”

Matiu 20:16

Keŋasa ere be kaman nɛ Yesu kaŋɛ le: “To, amoso, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”

Luuk 13:30

Men keni, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”

Ashuŋ Shunso 12:12

E ka pin kumo be loŋ nɛ e yɔ Jɔn Maak mo nio Mɛɛri pe. Kumo be jemanɛ na nɛ basa damta ko shɛr ndoŋ a kule Ebɔrɛ.

Ashuŋ Shunso 12:25

Baanabas nɛ Sɔɔl ka loge bumo be kushuŋ nɛ b keta Jɔn Maak nɛ mo nɛ bumo lar Jerusalɛm to m bɛta n yɔ.

Ashuŋ Shunso 15:37

Nɛ Baanabas yɛ b keta Jɔn Maak n ti bumo be amu so a yɔ.

Ashuŋ Shunso 15:39

Ndoŋ nna nɛ b ji kumo be emɔrɔ ga m barga to. Nɛ Baanabas keta Maak n luri ekuloŋgboŋ ko to m bɔla nchu so n yɔ Saipres.

Ashuŋ Shunso 16:10

Pɔɔl ka ku le be bɔrɛdare na nɛ an bela ase manaŋ manaŋ m pɛ Masɛdonia be ekpa, ŋkpal manɛ so, an daŋ yili kumo nna fanɛ Ebɔrɛ e tre anyi fanɛ an ya bɔ baru lela na n sa ndoŋebi.

Kɔlɔsiebi 4:10

Aristaakes nɛ ma nɛ mo kikɛ wɔ kabuti to nfe ere bee chɔrɔ menyi. Maak, Baanabas mo kurgepo na gba bee chɔrɔ menyi. N daŋ ŋini menyi kananɛ menyeeŋ wora mo. E kaŋ ba ndoŋ, men keni mo so nɛnɛ.

Kɔlɔsiebi 4:14

Luuk nɛ e la dɔkta nɛ anyee sha mo na bee chɔrɔ menyi. Diimas gba bee chɔrɔ menyi.

2 Timoti 1:15

Fo nyi fanɛ Eeshia be efuli so ebi kikɛ hale Figɛles nɛ Hɛmɔjines gba yige ma n to ŋko?

2 Timoti 2:21

To, esa kama malɛ nɛ e lara mbe kumu ashi asheŋ jiga to, kumo ere e beeŋ baa la esa nɛ Enyɛnpe na bee lara nna nɛ e shuŋ kenishipereso be ashuŋ. Amodoŋwura mo Nyɛnpe beeŋ baa fute a yige mo so nseŋ ta kushuŋ lela kikɛ m bɔɔ mo enɔ.

Failimɔn 1:24

Maak gba nɛ Aristaakes nɛ Diimas nɛ Luuk nɛ bumo kikɛ la m braana beshumpo na bee chɔrɔ fo.

1 Pita 5:13

Babilɔn be asɔri nɛ k du fanɛ men sipoche na be basa nɛ Ebɔrɛ lara menyi nɛ bumo kikɛ na bee chɔrɔ menyi. M pibi Maak gba bee chɔrɔ menyi.