2 Timoti 3:16 - EBƆRƐ BE KAWƆL

¹⁶ Ebɔrɛ e wɔ abɔrɛsibɛ ere kikɛ be kaman nɛ amo alɛ walɛ keta ŋ ŋini kashenteŋ na nɛ keta n fiɛ bumo nɛ baa wora a jija so nɛ keta n lara esa kewora n foe to nɛ keta ŋ ŋini esa kebaawɔtɔ lela.

2 Timoti 3:16 ပူးပေါင်းရင်းမြစ်များ

2 Samuɛl 23:2

Enyɛnpe Ebɔrɛ be kiyoyu na e naa kaŋɛ ma kusɔ nɛ meeŋ malga.

Nehemaya 9:20

Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:130

Kebaapin fo mmalga to bee bugi nfɛra to nna nsaa sa basa nɛ b maŋ nyi asheŋ kanyiasheŋ.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Aŋasa 15:10

Kasogberge gboŋgboŋi bee jo ekama nɛ e maa bɔla ekpa niŋiso so a wora asheŋ na nna. Ekama nɛ e kini keŋini nsaa bɛ ekpa nɛ k maŋ niŋi na so beeŋ wu.

Aŋasa 15:31

Enyiashempo e naa nu kasotoji.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Maika 2:7

Menyi Israɛlebi nɛ men la Jeekɔb be kaman to ebi na kɔ ekpa nɛ men baa kaŋɛ fanɛ Enyɛnpe Ebɔrɛ na nya agbo nna n wora kusɔ nɛ e wora ere? Enyɛnpe Ebɔrɛ maa kaa nɛfa bekama nɛ baa wora asheŋ niŋiso nna a?”

Zefanaiya 3:2

Jerusalɛmebi maa nu a sa Enyɛnpe Ebɔrɛ ŋko a sɔ mbe keŋini. Bumo alɛ maa ta bumo be yirda a deŋi Enyɛnpe Ebɔrɛ so ŋko a fin kechɛto mo kutɔ.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Matiu 22:43

Ndoŋ nna nɛ e bishi bumo le: “To, nɛ a ji nuso nna nɛ Kiyoyu Cheeŋ na daŋ bugi Deevid be kagbene n shin nɛ e tre mo mo Nyɛnpe ŋ kaŋɛ le:

Matiu 26:54

Ama nɛ loŋ wora, nuso nɛ k beeŋ wora nɛ abɔrɛsibɛ nɛ a bee kaŋɛ fanɛ asheŋ ere e wora le na e bɔla ekpa?”

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Maak 12:24

Nɛ Yesu kaŋɛ bumo: “Men maŋ nyi fanɛ men maŋ kɔ kashenteŋ a? Ŋkpal manɛ so, men maŋ nyi abɔrɛsibɛ na ŋko Ebɔrɛ be eleŋ.

Maak 12:36

Kiyoyu Cheeŋ na daŋ bugi Deevid be kagbene nna n shin nɛ Deevid gbagba kaŋɛ: ‘Enyɛnpe na kaŋɛ n Nyɛnpe: Chena ma jisoso nfe, hale nɛ n ya ta fo doŋana m bɔɔ fo enɔ.’

Baru lela nɛ Jɔn kute na 10:35

To, an nyi abɔrɛsibɛ na ka maa chɛrga kikɛ. Amoso, a ka kaŋɛ fanɛ Ebɔrɛ tre basa mo nɛ mbe kamalga ba bumo to ebɔrɛana ere,

Baru lela nɛ Jɔn kute na 3:20

Alubiworapo kikɛ maa sha kefulto. E maaŋ shuli n luri kefulto to, ŋkpal manɛ so, e maa sha mbe asheŋ lubi na ka lar efuli.

Ashuŋ Shunso 1:16

“Ŋ kurgepoana, a daga fanɛ abɔrɛsibɛ na ka bɔla ekpa fanɛ kananɛ Kiyoyu Cheeŋ na shin nɛ Deevid wu ŋ kaŋɛ Judas nɛ e juŋkpar basa nɛ b pɛ Yesu na be asheŋ.

Ashuŋ Shunso 18:25

B daŋ ŋini mo Enyɛnpe be ekpa na be asheŋ nna nɛ e daa wɔtɔ a yeŋi so a malga nsaa ŋini basa Yesu be asheŋ na kashenteŋto nɛ amo be ekpa so. Ama Jɔn be kabɔrɛbɛr na nawule be asheŋ nɛ e daa nyi.

Ashuŋ Shunso 20:20

Men nyi fanɛ saŋɛ nɛ n daŋ bɔ kubɔya na n sa menyi nseŋ ŋini menyi asheŋ basa to nɛ menyi peana na, n daa maŋ ta kusɔ kama nɛ k beeŋ chɛ menyi to ŋ ŋana menyi so kikɛ.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

Ashuŋ Shunso 28:25

Pɔɔl ka malga kesheŋ koŋwule ere n loge nɛ b fara a ji abar emɔrɔ a yɔ. Le nɛ e daŋ kaŋɛ: “Kashenteŋ nɛ Kiyoyu Cheeŋ na daŋ shin nɛ anebi Aizaaya daŋ wu ŋ kaŋɛ men nanaana fanɛ e ya kaŋɛ basa na le:

Romebi 15:4

Abɔrɛsibɛ kama malɛ nɛ b daŋ sibɛ dra dra kikɛ n nase na, b daŋ sibɛ amo nna nɛ a baa ŋini anyi asheŋ, saŋɛ na so, anyeeŋ bɔla kanyiti nɛ kananɛ abɔrɛsibɛ na bee leŋ anyi to na to a kɔ tama.

Romebi 2:20

Mannɛ fo koŋwule na e kraa kaŋɛ fanɛ fo e la basa balto be eŋinipo nɛ mbibi be eŋinipo, ŋkpal manɛ so, fo ere be kanyiasheŋ na nɛ kashenteŋ na bee shi mbra na to nna a?

Romebi 3:2

Cha, Juwebi baa chɔ basa pɔtɛ ekpa kama so nna, ŋkpal manɛ so, kusɔ nɛ k juŋkpar e la fanɛ bumo nɛ Ebɔrɛ ta mbe mmalga m bɔɔ enɔ.

Romebi 4:23

Kekaŋɛ fanɛ: “Ebɔrɛ nase kumo fanɛ e la elelapo na,” maŋ de mo nawule nna ashi abɔrɛsibɛ na to.

1 Kɔrintebi 12:7

Kiyoyu na bee bɔla ekpa pɔtɛana so nna a lara mbe kumu a ŋini ekama nɛ mbe basa kikɛ e nya kechɛto,

Galeeshaebi 3:8

Abɔrɛsibɛ na malɛ wu kumo nna n yili fanɛ Ebɔrɛ ka beeŋ kpal nnyamase be yirda so n shin nɛ b ji n lar mbe anishito so so nseŋ wule m bɔ baru lela na n sa Eebraham fanɛ: “Fo so nɛ Ebɔrɛ beeŋ bɔla n nɛfa durnya ere to ebi kikɛ.”

Ditɛronɔmi 29:29

Asheŋ ko wɔtɔ nna nɛ Enyɛnpe, anyi be Ebɔrɛ na, ta n yili ashiri to, ama e lara mbe mbraana bre ŋ ŋini anyi, saŋɛ na so, anyi nɛ anyi be kaman to ebi beeŋ baa wora amo kasonu mbaanaayɔ.

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

Hibruwebi 11:1

To, manɛ e la yirda? Yirda la kebaanyi geeŋ fanɛ anyeeŋ nya asɔ nɛ anyee tama na nseŋ naa nyi fanɛ asɔ nɛ anyi maaŋ tiŋ n wu kenishiso na kikɛ wɔtɔ nna kashenteŋto.

Hibruwebi 3:7

To, loŋ malɛ nɛ Kiyoyu Cheeŋ na bee kaŋɛ na fanɛ: “Men baŋ nu Ebɔrɛ be ebɔl kabre,

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.