2 Timoti 3:12 - EBƆRƐ BE KAWƆL

¹² Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

2 Timoti 3:12 ပူးပေါင်းရင်းမြစ်များ

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 23:34

To, mee shuŋi anebiana nɛ benyiashempo nɛ beŋinipo menyi kutɔ nna na, ama menyeeŋ mɔ bumo be beko nseŋ ta beko ŋ gbir m mata kedibi largato so nseŋ bri beko malɛ ashi menyi be nshɛrbuana to n ju bumo ashi kade ko to n yɔ kepɔtɛ to.

Maak 10:30

E beeŋ nya ntuŋ kalfaso be nwu nɛ beda nɛ besipo nɛ besipoche nɛ benio nɛ mbia nɛ nsawule, amo nɛ etɔrɔ, nɛ jemanɛ nɛ k bee ba na to e naaŋ nya ŋkpa nɛ k maŋ kɔ ekar na.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 17:14

N ta fo kamalga nna n sa bumo nɛ durnya ere e kishi bumo ŋkpal b ka maŋ wɔ durnya ere be basa to na so fanɛ kananɛ m maŋ wɔ durnya ere be basa to na.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

1 Kɔrintebi 15:19

Nɛ fanɛ durnya ere to be kebaawɔtɔ to nawule so nna nɛ an kɔ tama Kristo to, kumo ere a daga fanɛ basa ka shu anyi so a chɔ basa kikɛ nyam.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 4:9

Baa tɔrɔ anyi, ama Ebɔrɛ maa kini anyi. Baa ŋmɛa anyi a lɛ, ama anyi alɛ maa mur.

1 Timoti 2:2

B baa wora asheŋ ere a sa basa kikɛ, fɔnfɔŋ bewura nɛ basa nɛ b wɔ kenimu be yiri kikɛ to na. Loŋ e naaŋ shin nɛ an baa wɔ abɔrɛsheŋ be kebaawɔtɔ to boeŋ nɛ bunyaŋ nsaa kɔ kagbenewushi.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Joshuwa 17:14

Josɛf be kaman to ebi na daŋ kaŋɛ Joshuwa na le: “Mannɛ nna nɛ fo ta kasawule na be kaba koŋwule nawule n sa anyi fanɛ anyi be kapetɛ? Enyɛnpe Ebɔrɛ nɛfa anyi nna nɛ an shi.”

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.