2 Timoti 3:11 - EBƆRƐ BE KAWƆL

¹¹ Fo alɛ kraa naa nyi etɔrɔ nɛ awurfoŋ nɛ n nya ashi Antiɔk nɛ Ikoniam nɛ Listra be asheŋ. N nyiti amo nɛ Enyɛnpe malɛ lara ma amo kikɛ to.

2 Timoti 3:11 ပူးပေါင်းရင်းမြစ်များ

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

2 Samuɛl 22:1

Enyɛnpe Ebɔrɛ ka mɔlga ewura Deevid ashi mo doŋana nɛ ewura Sɔɔl be enɔ to na, nɛ e boŋ kashɛ ere m maŋkura mo.

2 Samuɛl 22:49

Fo e naa mɔlga ma ashi ma doŋana kutɔ. O Enyɛnpe Ebɔrɛ fo e naa shin nɛ mee kɔ a pɔɔ ma doŋana so. Fo alɛ e naa kuŋ ma ashi basa nɛ baa ta eleŋ a tintiŋ basa na kutɔ.

Nshɛ 34:19

Basa lela bee kaa nya etɔrɔ damta nna. Ama Enyɛnpe Ebɔrɛ na beeŋ mɔlga bumo ashi etɔrɔ na kikɛ to.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Ashuŋ Shunso 13:14

Nɛ bumo alɛ lar Pɛga n ta n yɔ Pisidia be Antiɔk. Kewushiachɛ ka fo nɛ b yɔ ndoŋ be nshɛrbu to n ya chena.

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Ashuŋ Shunso 14:8

Kanyɛn ko daa wɔ Listra nɛ mbe aya daŋ wu hale mbe kebiato kikɛ. E daa maŋ naŋ nite ŋ ku so.

Ashuŋ Shunso 20:19

N daa shuŋ ma kushuŋ nna fanɛ kebɔrɛnya nsaa yɔɔ ma kumu saŋkama a wɔtɔ a nya kagbenejija a shu nchɛ nchɛ to ŋkpal Juwebi be nia nɛ b daa kre ma na so.

Ashuŋ Shunso 23:10

Bumo be kolu na daŋ nyaŋɛ to ga hale basa na be kegberge Pɔɔl n tuge to be asheŋ pɛ benapo be enimu na kufu ga. Nɛ e shin nɛ mbe benapo luri basa na to ŋ keta Pɔɔl n lar bumo to n yɔ kesɔnyige be ebu lempo na to.

Ashuŋ Shunso 26:17

Meeŋ mɔlga fo ashi Israɛl be basa nɛ nnyamase nɛ meeŋ shin nɛ fo yɔ bumo kutɔ ere kutɔ.

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.

Ashuŋ Shunso 9:16

Ma alɛ gbagba beeŋ ŋini mo tɔrɔ nɛ a daga e ka ji n sa ma.”

Romebi 15:31

Men baa kule Ebɔrɛ fanɛ Judiya be efuli so be basa nɛ b maŋ kɔ yirda na maaŋ ya wora ma shɛŋ nseŋ naŋ kule mo fanɛ kushuŋ nɛ mee yɔ nɛ n ya shuŋ Jerusalɛm ere beeŋ par Ebɔrɛ be basa ndoŋ.

2 Kɔrintebi 1:5

Ŋkpal manɛ so, kananɛ an baa tu Kristo a ji mbe awurfoŋ damta na, loŋ koŋwule na nɛ anyee bɔla Kristo so a nya keleŋto damta gba.

2 Kɔrintebi 1:7

Tama mo nɛ anyi alɛ kɔ menyi so na maa gbuŋgbuŋ to, ŋkpal manɛ so, an nyi fanɛ kananɛ men baa tu anyi a ji an be awurfoŋ na, loŋ koŋwule na malɛ nɛ men naa tu anyi a nya anyi be keleŋto gba.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,