2 Timoti 3:10 - EBƆRƐ BE KAWƆL

¹⁰ Ama fo ere nyi ma keŋini na kikɛ nɛ ma da nɛ ma kebaawɔtɔ be kifi to. Fo alɛ naŋ wu ma yirda nɛ ma kanyiti nɛ ma kasha nɛ kananɛ ŋ kɔ tɔrɔ be kanyiti.

2 Timoti 3:10 ပူးပေါင်းရင်းမြစ်များ

Danɛl 1:8

Danɛl malɛ daŋ yili kumo mbe nfɛra to nna fanɛ, e maaŋ ji ewurkpa be ajibi na ŋko n nuu ndoŋ be nsa na n da bumo be daŋkare be ekishi so, amoso e daŋ kule Ashpenaaz nna fanɛ e chɛ mo to nɛ e sa maŋ da daŋkare be ekishi so.

Luuk 1:3

Ebunyampo, ma Luuk gba keni asheŋ na kikɛ to nyam ŋ koya amo nɛnɛ

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Ashuŋ Shunso 20:18

B ka ba nɛ e kaŋɛ bumo: “Men nyi kebaawɔtɔ nɛ n daa kɔ a wɔ menyi kutɔ na yili kachɛ nɛ n fara m ba Eeshia be efuli ere so na m ba fo kabre.

Ashuŋ Shunso 26:4

Juwebi na kikɛ nyi ma kebaawɔtɔ nɛ n daa wɔ to saŋɛ nɛ n daa la kebibi na kikɛ. B nyi fanɛ sososo na ma efuli so nɛ Jerusalɛm to nɛ ŋ ki esa.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

2 Kɔrintebi 1:17

To, kananɛ n daŋ fɛ kewora ere na daa la alefashaso be kusɔ nna a? Ŋko n fɛ asheŋ nɛ meeŋ wora nna fanɛ durnya ere to be esa a kaŋɛ fanɛ mm, mm, nseŋ naa yili epul na malɛ to a kaŋɛ m-m, m-m?

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Filipaiebi 2:20

Mo nawule nɛ ma nɛ mo baa kɔ nfɛra koŋwule nseŋ naa la esa nɛ men be kebaawɔtɔ be asheŋ wɔ mo to fanɛ kananɛ k wɔ ma to na.

Filipaiebi 2:22

Ama Timoti bre, menyi alɛ gba nyi kananɛ mo ere maŋ kɔ le be kebaawɔtɔ ere, ŋkpal manɛ so, men nyi fanɛ ma nɛ mo e baa wɔ baru lela ere be kushuŋ ere to a shuŋ fanɛ kananɛ ebi nɛ mo tuto bee shuŋ na.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Timoti 1:3

Ŋ ka daa yɔ Masɛdonia, ŋ kaŋɛ fo fanɛ fo shir a wɔ Ɛfeses. Mee sha fanɛ fo baa kraa wɔ ndoŋ ŋkpal basa nɛ b wɔ ndoŋ a ŋini keŋini pɔtɛ nɛ a daga fo ka ju bumo loŋ to na so.

1 Timoti 4:6

Nɛ fo ŋini bekurgepoana na asheŋ ere, feeŋ baa la Kristo Yesu be kenya lela a kɔ yirda be mmalga nɛ keŋini lela nɛ fo bɛ so na be eleŋ.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 2:22

Amoso, baa gelge kebrantiɛ to be ayɛlgasɔ nsaa ta fo nfɛra a wɔtɔ alelasheŋ nɛ yirda nɛ kasha nɛ kagbenewushi to nɛ fo nɛ bumo nɛ b kɔ kagbene koŋwule cheembi a kule Ebɔrɛ na e baa wɔ loŋ be kebaawɔtɔ to.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

Taites 2:7

Kusɔ kama nɛ fo alɛ gbagba bee wora, shin nɛ k baa la kesheŋ nɛ basa beeŋ tiŋ ŋ keni so n wora asheŋ lela. Baa kɔ kashenteŋ nɛ kenishipere a wɔtɔ fo keŋini to.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to