2 Timoti 3:1 - EBƆRƐ BE KAWƆL

¹ Baa nyi fanɛ lalaloge be nchɛ na to, tɔrɔ damta beeŋ tɔr basa so.

2 Timoti 3:1 ပူးပေါင်းရင်းမြစ်များ

Jɛnesis 49:1

Kachako nɛ Jeekɔb kaŋɛ mbe bibinyɛnana na le: “Men gbargbar abar m ba ma anishito nɛ ŋ kaŋɛ menyi kusɔ nɛ k beeŋ nya menyi echefoso be asheŋ.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Jɛremaya 48:47

Ama kachako, ma, Enyɛnpe Ebɔrɛ na beeŋ naŋ bɛta Mowab be basa m ba nɛ b naŋ dii kedama. Ma, Enyɛnpe Ebɔrɛ e kaŋɛ na.

Jɛremaya 49:39

Ama kachako meeŋ naŋ bɛta Elam be basa m ba bumo be kasawule so nɛ b naŋ dii kedama. Ma, Enyɛnpe Ebɔrɛ e kaŋɛ na.”

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 12:11

Yili saŋɛ nɛ b yige kebaalara karechɛ kama be esarga na n ya fo saŋɛ nɛ b ŋini Edɔsopogboŋ na to n yili na beeŋ baa la fanɛ nchɛ kagboŋ nɛ alfa anyɔ nɛ adekpanu nna.

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Danɛl 7:8

Ŋ ka bee keni kumo be alambɛ na, nɛ n wu kelambɛ fimbi ko ka lar amo to m ba tia alambɛ na be asa ashi amo be kakpa. Le be kelambɛbi ere daa kɔ dimɛdi be anishi nɛ kɔnɔ nna nsaa puchi.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Maika 4:1

Lalaloge be nchɛ na to kebee nɛ Enyɛnpe Ebɔrɛ be bɔrɛlambu na yil so na e naŋ ba ki abee kikɛ to be kejeŋgreŋ ga. K beeŋ baa du jeŋgreŋ a chɔ abee kikɛ nyam, nɛ efuliana na kikɛ be basa e shile m ba kumo ase

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

Juud 1:17

Ama menyi ere, n teri lelaana, men baa nyi asɔ nɛ an Nyɛnpe Yesu Kristo be beshuŋipoana na daŋ kaŋɛ fanɛ a beeŋ wora na.

Juud 1:18

B daŋ kaŋɛ menyi fanɛ: “Lalaloge be nchɛ na kaŋ fo, basa beeŋ lar n wora menyi eyurto, basa nɛ baaŋ ba kaa bɛ bumo gbagba be kabɔrɛkiniso be ayɛlgasɔ lubiana so.”