2 Timoti 2:4 - EBƆRƐ BE KAWƆL

⁴ Soja kama nɛ e wɔ mbe kushuŋ to maa ta mbe nfɛra a wɔtɔ asheŋ pɔtɛ to a shin nɛ a baa tir mo, nɛ mannɛ aloŋ, mbe asheŋ maaŋ par mbe enimu nɛ e bee keni mo so na.

2 Timoti 2:4 ပူးပေါင်းရင်းမြစ်များ

Luuk 8:14

Asɔ duuso nɛ a tɔr ewi to na malɛ du fanɛ basa nɛ baa nu kamalga na nseŋ fara a bɛ so nna. Ama durnya ere to be kafɔŋ nɛ kumo be amansherbisheŋ nɛ kebaawɔtɔ be asɔ belbelso baŋ luri m bɔlɔ bumo to nɛ b bɛ so ŋ gben.

2 Kɔrintebi 5:9

Ama kusɔ nɛ an baŋ yili e la fanɛ anyeeŋ baa wora mbe aparsheŋ. K maŋ tir ŋko an wɔ epe nfe ashi anyi be eyur ere to ŋko an wɔ kufɔ nna.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

1 Tɛsalɔnikaebi 2:4

Ama kusɔ nɛ Ebɔrɛ bee sha nɛ anyee malga saŋkama, ŋkpal manɛ so, e yirda anyi nna nseŋ ta baru lela na m bɔɔ anyi enɔ. Mannɛ basa be aparsheŋ nɛ anyee wora ania a fin, ama Ebɔrɛ mo nɛ e bee wora anyi be nfɛra a keni na peya nɛ anyee fin.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.