2 Timoti 2:3 - EBƆRƐ BE KAWƆL

³ Fo alɛ gba e baa kɔ kagbene a shuli a tu anyi a ji awurfoŋ fanɛ Yesu Kristo be soja lela.

2 Timoti 2:3 ပူးပေါင်းရင်းမြစ်များ

Ashuŋ Shunso 23:31

Ndoŋ nna nɛ benapo na wora asɔ nɛ benapo be enimu na kaŋɛ bumo na kikɛ ŋ keta Pɔɔl kanyɛso na kikɛ hale n ya fo Antipatris.

1 Kɔrintebi 13:7

Kasha wɔ esa to e maa gben a yige kusɔ kama to, e bee yirda kusɔ kama nna a tama kusɔ kama nsaa yil to kanyitiso malɛ saŋkama.

1 Kɔrintebi 9:7

Soja mo gbagba e naa ka mo gbagba be kumu ashi kushuŋ na to? Esa mo e naa duu ndibi sɔrso nɛ a baa wora nɛ e maaŋ ji amo be asɔrso na? Esa mo e naaŋ baa keni ana so ŋkaa maaŋ baa nyaŋ amo kenyipo?

2 Kɔrintebi 1:6

Nɛ an baŋ ji awurfoŋ, menyi be keleŋto nɛ kumɔlga so so nɛ an ji loŋ be awurfoŋ na. Nɛ an baa nya keleŋto, kumo ere, menyi alɛ gba beeŋ nya loŋ be keleŋto nna na. Kumo alɛ e naa shin nɛ menyee nya eleŋ nɛ men tiŋ n nyiti awurfoŋ koŋwule nɛ anyee ji na.

1 Timoti 1:18

M pibi Timoti, mee ta asheŋ nɛ ŋ ŋini fo ere nna a bɔla mmalga nɛ anebiana na daŋ wu ŋ kaŋɛ fo asheŋ na so a bɔɔ fo enɔ. Baa ta amo a wɔtɔ fo kagbene to nsaa kɔ yirda nɛ nfɛra lela a ki fo akɔsɔ a kɔ yirda be kena lela na.

2 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso nɛ ŋkpal kɔnɔ nɛ Ebɔrɛ nase ŋ kaŋɛ fanɛ e beeŋ sa basa nɛ b yirda Kristo Yesu ŋkpa na so kutɔ nna

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.

2 Timoti 3:11

Fo alɛ kraa naa nyi etɔrɔ nɛ awurfoŋ nɛ n nya ashi Antiɔk nɛ Ikoniam nɛ Listra be asheŋ. N nyiti amo nɛ Enyɛnpe malɛ lara ma amo kikɛ to.

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Failimɔn 1:2

nɛ an sipoche Apfia nɛ Akipes nɛ e la an barkasa soja na nɛ asɔriebi nɛ baa shɛr fo Failimɔn pe na kutɔ.

Hibruwebi 10:32

Men baa nyiŋi kananɛ asheŋ daa du n sa menyi dra na, saŋɛ nɛ Ebɔrɛ be kefulto na daŋ ba menyi to be kaman na. Kumo be jemanɛ na men daŋ ji etɔrɔ damta, ama amo be saŋɛ na menyi daa maŋ tɔr.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

Hibruwebi 6:15

Ndoŋ nna nɛ Eebraham ji kanyiti loŋ n ya nya kusɔ nɛ Ebɔrɛ yɛ e beeŋ wora na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Demujipoana 3:2

E daŋ wora le nna nɛ e ŋini Israɛlebi be kenana kama kena be asheŋ, fɔŋfɔŋ bumo nɛ b maŋ naŋ kɔ kena ŋ ku so na.