2 Timoti 2:26 - EBƆRƐ BE KAWƆL

²⁶ nseŋ nya nfɛra n lar Setani be kejigbelɛ nɛ e ta m pɛ bumo n shin nɛ baa nu a sa mo na to.

2 Timoti 2:26 ပူးပေါင်းရင်းမြစ်များ

1 Timoti 3:7

A daga fanɛ loŋ be enimu e baa kɔ ketre basa pɔtɛ nɛ b maŋ wɔ asɔri to na to, nɛ mannɛ aloŋ, e beeŋ nya ketre lubi nseŋ tɔr Setani be kejigbelɛ to n wora alubi.

Nshɛ 124:7

An nya anyi be amu n shile fanɛ kusɔbɔya ka gbaŋ ekpampo be kejigbelɛ n lɛ nseŋ nya n shile na nna.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Aizaaya 8:15

Basa damta beeŋ fiti kumo n tɔr m buri to nɛ bedamta e tɔr kejigbelɛ na to nɛ b pɛ bumo ŋ gberge bumo n yɔ.”

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Job be kawɔl 1:12

Ndoŋ nna nɛ Enyɛnpe Ebɔrɛ na kaŋɛ Setani le: “Yoo, n ta kusɔ kama nɛ e kɔ m bɔɔ fo enɔ, ama sa maŋ kaŋ doro Job gbagba bre.” Nɛ Setani lar Enyɛnpe Ebɔrɛ kutɔ n choŋ.

1 Timoti 1:20

Loŋ be basa na be beko e la Haimɛneeyes nɛ Alɛkzaanda nɛ n ta m bɔɔ Setani enɔ nɛ b pin fanɛ k daga b ka lar kebaamalga a gbiti Ebɔrɛ to.

Kɔlɔsiebi 1:13

An Tuto na sɔ anyi ashi Setani be tentembiri be kuwurji to n yige nseŋ ta anyi n wɔtɔ mo Pibinyɛn shaso na be kuwurji to.

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Baru lela nɛ Jɔn kute na 13:27

Judas ka baŋ sɔ bodobodo na nɛ Setani luri mo to. Nɛ Yesu kaŋɛ mo: “Kusɔ nɛ fee sha kewora ere, fo wora kumo manaŋ manaŋ.”

Baru lela nɛ Jɔn kute na 13:2

B ka tase ejikpa a shin nɛ b ji kanyɛso be ajibi nɛ alubipo na malɛ teŋ yili kumo Judas Iskareɔt, Saimɔn pibi be kagbene to fanɛ e debɔr Yesu.

Luuk 15:17

E ka wu kebaawɔtɔ nɛ e daa wɔ na to nɛ e bishi mbe kumu le: ‘N tuto be nyɛrbi afanɛ e kɔ ajibi a ji a ka nɛ m ba kaa wɔ nfe nɛ akoŋ bee shin nɛ k mɔ ma n to jiga le?

Luuk 11:21

Nɛ elempo kɔ mbe kena to be asɔ a wɔtɔ a keni mo gbagba be kowu so, shɛŋ maaŋ wora mbe asɔ.

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Job be kawɔl 2:6

Ndoŋ nna nɛ Enyɛnpe Ebɔrɛ malɛ naŋ kaŋɛ le: “To, n nu! Feeŋ tiŋ n shin nɛ kayurnyaŋ e tɔr Job so nɛ e ji awurfoŋ kananɛ fee sha, ama sa maŋ kaŋ mɔ mo bre!”

2 Kɔrintebi 2:11

Saŋɛ na so, Setani maaŋ nya anyi, ŋkpal manɛ so, an nyi mbe nfɛra.

Luuk 5:10

Loŋ koŋwule na nɛ Jeems nɛ Jɔn, Zɛbedi be mbia nɛ b daa la Saimɔn mo braana na gba daŋ ŋini. Nɛ Yesu kaŋɛ Saimɔn: “Sa maa lɔ kufu, ŋkpal manɛ so, yili kabre a yɔ menyeeŋ baa keta basa a ba ma kutɔ.”