2 Timoti 2:16 - EBƆRƐ BE KAWƆL

¹⁶ Baa gelge mmalga nɛ a maa bunyaŋ Ebɔrɛ, ŋkpal manɛ so, a bee lara basa abɔrɛsheŋ be nfɛra to nna a shin nɛ baa luri alubi damta to a ti so.

2 Timoti 2:16 ပူးပေါင်းရင်းမြစ်များ

Ɛzra 10:10

Ndoŋ nna nɛ Ɛzra, nɛ e la bɔrɛmatapo na, koso n yili nseŋ kaŋɛ bumo: “Men maŋ ji kashenteŋ n sa Ebɔrɛ, ŋkpal manɛ so men ta befɔche a kil n shin nɛ Israɛl be alubi naŋ wora keshi n ti so.

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

1 Timoti 1:9

Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

1 Timoti 4:7

Baa gelge chilchil be mmalga nɛ edaŋkare be mmalga nɛ a maa bunyaŋ Ebɔrɛ nseŋ ŋini fo kumu abɔrɛsheŋ be kebaawɔtɔ.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 2:14

Baa ŋini fo basa asheŋ ere nseŋ fiɛ bumo so kpakpa Ebɔrɛ be anishito fanɛ b lar mmalga koko be emɔrɔana be nlu to, ŋkpal manɛ so, loŋ be nlu maŋ kɔ kechɛto kikɛ amo to, a bee mur basa nɛ baa nu amo nna.

2 Timoti 2:21

To, esa kama malɛ nɛ e lara mbe kumu ashi asheŋ jiga to, kumo ere e beeŋ baa la esa nɛ Enyɛnpe na bee lara nna nɛ e shuŋ kenishipereso be ashuŋ. Amodoŋwura mo Nyɛnpe beeŋ baa fute a yige mo so nseŋ ta kushuŋ lela kikɛ m bɔɔ mo enɔ.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Taites 1:11

A daga fanɛ fo shin nɛ bumo kikɛ e lo bumo be nnɔ to, ŋkpal manɛ so, baa shin nɛ nwuchu lelemu bee bure nseŋ kpal amansherbi so a wɔtɔ a ŋini anishinyɔr be asheŋ nɛ a maŋ daga.

Taites 1:14

Shin nɛ b sa maŋ naa nu a sa Juwebi be adrasheŋ be ablɔmbi nɛ mbra nɛ a shi basa nɛ b kini kashenteŋ na kutɔ na.

Taites 3:9

Ama baa gelge kawuliso be emɔrɔ nɛ kekurgeso be mmalga nɛ nlu. Fo alɛ e sa maŋ naŋ kpal mbra na so a wɔ kɔnɔgberge to, ŋkpal manɛ so, amo kikɛ la asheŋ fuloŋ nna a maŋ kɔ tɔnɔ.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 2:2

Basa damta beeŋ bɛ bumo be anishinyɔr be asheŋ so n shin nɛ basa e malga ŋ gbiti kashenteŋ be ekpa na.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 13:3

Kusɔbɔya na be amu na be kuko daa du fanɛ k ka daŋ nya doro mo nɛ k beeŋ tiŋ m mɔ mo nna, ama b daŋ chɛ loŋ be doro na, nɛ mamachi pɛ durnya kikɛ nɛ b bɛ kusɔbɔya na so.