2 Timoti 1:7 - EBƆRƐ BE KAWƆL

⁷ Ŋkpal manɛ so, Kiyoyu nɛ Ebɔrɛ sa anyi na maŋ la kufu peya nna, k la eleŋ nɛ kasha nɛ kamootiŋ be kiyoyu nna.

2 Timoti 1:7 ပူးပေါင်းရင်းမြစ်များ

Nshɛ 119:80

Shin nɛ m baa sa fo mbraana bunyaŋ kashenteŋto, saŋɛ na so, m maaŋ ji anishinyɔr.

Aŋasa 2:7

Mo e naa chɛ basa nɛ baa wora asheŋ niŋiso to nsaa kuŋ bumo.

Aŋasa 8:14

Ma e naa kre ŋkre nsaa wora a bɔlɔ so na. Ma e naa pin asheŋ to, nsaa kɔ eleŋ na.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Maika 3:8

Ama Enyɛnpe Ebɔrɛ na ta mbe Kiyoyu nɛ mbe eleŋ na nna n wɔtɔ ma ere to, nseŋ shin nɛ n nya kenyɛn a ji asheŋ nɛ amo be ekpa so nsaa tiŋ a kaŋɛ Israɛl be basa bumo be alubi.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Luuk 10:19

Men nu nfe, n sa menyi eleŋ nɛ k tiŋ n shin nɛ men chichi awɔ nɛ nna so nseŋ pɔɔ edompo na be eleŋana kikɛ so nɛ shɛŋ maaŋ wora menyi.

Luuk 15:17

E ka wu kebaawɔtɔ nɛ e daa wɔ na to nɛ e bishi mbe kumu le: ‘N tuto be nyɛrbi afanɛ e kɔ ajibi a ji a ka nɛ m ba kaa wɔ nfe nɛ akoŋ bee shin nɛ k mɔ ma n to jiga le?

Luuk 24:49

Meeŋ shin nɛ n Tuto be kɔnɔ naseso be kakɛ e ba menyi so. Amoso, men baa wɔ kade ere to hale nɛ eleŋ e ya shi esoso m ba buu menyi.”

Luuk 8:35

Nɛ basa lar n ya keni kusɔ nɛ k wora na. B ka ba Yesu kutɔ m ba wu kanyɛn nɛ ayoyu lubi na lar mo to na ka kɔ mbe nfɛra lela m buu asɔ a tase Yesu be anishito nɛ kufu pɛ bumo ga.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 26:11

N daa wɔtɔ nna a shin nɛ baa gberge bumo kusoe ashi nshɛrbuana na to nseŋ daa kɔ a fin kananɛ meeŋ wora nɛ b kaŋɛ fanɛ b maaŋ naŋ yirda Yesu na. Agbo daŋ pɛ ma ga ŋkpal bumo so nɛ n yɔ hale nde pɔtɛana to gba nɛ n ya tɔrɔ bumo.”

Ashuŋ Shunso 26:25

Nɛ Pɔɔl kaŋɛ: “Yiramu, m maa lɔ nna. Ma nɛ ma nfɛra lela nɛ kashenteŋ be mmalga nɛ mee malga na.

Ashuŋ Shunso 6:8

Stiven daa la esa nɛ Ebɔrɛ daŋ nɛfa nna ga nɛ Kiyoyu Cheeŋ na luri m bɔlɔ mo kikɛ to nɛ e wora emamachisheŋ nɛ kashenteŋ be etɔɔnɛsheŋ damta basa na to.

Ashuŋ Shunso 9:22

Ama Sɔɔl be kebɔ kubɔya na daŋ baa wora eleŋ nna a ti so nɛ mbe keŋini fanɛ Yesu e la Kristo na gba daŋ bɛ ekpa so a kɔ eleŋ amo to ga nɛ Juwebi nɛ b wɔ Damaskɔs to na be ŋgbene wul bumo to ga nɛ b paŋ keji mo emɔrɔ.

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

1 Kɔrintebi 2:4

Ma alɛ daa maŋ ta kanyiasheŋ nɛ mmalga belbelso nna nɛ n nya menyi. Ama ŋ ka daŋ malga m bɔ kubɔya na, Ebɔrɛ be Kiyoyu be eleŋ daŋ dii efuli nna.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Kɔlɔsiebi 1:8

Mo e kaŋɛ anyi kananɛ menyee sha Ebɔrɛ be basa ashi Kiyoyu Cheeŋ na to.

Hibruwebi 2:15

Saŋɛ na malɛ so, e beeŋ sɔ basa nɛ b la luwu be kenya be anya ashi bumo be kebiato na kikɛ n yige.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Jɔn 4:18

Kakpa nɛ kasha wɔ, kufu maŋ wɔtɔ. Kashenteŋ be kasha bee ju kufu nna, ŋkpal manɛ so, nɛ an kraŋ baa ŋana fanɛ Ebɔrɛ beeŋ gberge anyi kusoe, kumo ere anyi maa sha mo nɛnɛ nna na. Amoso, esa nɛ e bee lɔ kufu, kasha maŋ naŋ bɔlɔ mo to felɛlɛ nna na.