2 Samuɛl 9:7 - EBƆRƐ BE KAWƆL

⁷ Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

2 Samuɛl 9:7 ပူးပေါင်းရင်းမြစ်များ

Jɛnesis 43:18

B ka fo Josɛf pe na, kufu daŋ pɛ bumo nna, ŋkpal manɛ so, b daa fɛ nna fanɛ amansherbi nɛ b daŋ bɛta n wɔtɔ bumo be ebɔtɛ to saŋɛ nɛ b fara m ba ndoŋ na so nɛ b bar bumo laŋ na to. B daa fɛ fanɛ e beeŋ pɛ bumo ŋ ki mbe anya nseŋ suge bumo be ekurma nna.

Jɛnesis 43:23

Ndoŋ nna nɛ Josɛf be kayɛrbi nimuso na kaŋɛ bumo: “Men sa maŋ shin nɛ k tir menyi ŋko n shin nɛ kufu e baa kɔ menyi. N nyiŋi ŋ ka daŋ sɔ men be amansherbi na, amoso shere Ebɔrɛ nɛ menyi nɛ men tuto bee shuŋ na e ta loŋ be amansherbi na n wɔtɔ menyi be ebɔtɛ to na.” Kumo be kaman nɛ e ya bar Simiɔn bumo kutɔ.

2 Samuɛl 12:8

Mbe kuwura nɛ mbe beche kikɛ nɛ n ta n sa fo, nseŋ lara fo fanɛ Israɛl nɛ Juda kikɛ be ewura, nɛ a daa maŋ kukwe fo gba n daa beeŋ naŋ tiŋ n sa fo ako n ti so.

2 Samuɛl 19:28

Fo Yiramu daŋ daga fo ka mɔ n tuto be kanaŋ to be basa kikɛ nna, ama fo wu ma ere kuwɔr hale nseŋ shin nɛ mee tu fo gba a ji. Amoso, a maŋ daga ŋ ka naŋ kule fo shɛŋ.”

2 Samuɛl 19:29

Ndoŋ nna nɛ ewura na kaŋɛ le: “Fo ere e sa maŋ naŋ malga shɛŋ. N tiŋ n yili kumo fanɛ fo nɛ Ziba e naaŋ barga Sɔɔl be kapetɛ to.”

2 Samuɛl 19:33

Nɛ ewura na kaŋɛ mo le: “Shin nɛ an dii n yɔ Jerusalɛm nɛ fo ya chena ŋ kutɔ nɛ m ba keni fo so.”

2 Samuɛl 21:7

Ama ŋkpal kashenteŋ be kɔnɔ naseso nɛ Deevid nɛ Jonatan nase n sa abar na so Deevid daŋ yige Sɔɔl mo nanabi Mifiboshɛf nɛ e la Jonatan pibi na bre nna.

2 Samuɛl 9:1

Kachako nɛ Deevid bishi le: “Esa ko kraa wɔ Sɔɔl be kanaŋ ere to nɛ meeŋ tiŋ n wora mo kelela ŋkpal Jonatan so a?”

2 Samuɛl 9:10

Amoso fo nɛ fo mbinyɛnsobi kuduanu nɛ fo nyɛrbi adunyɔ na beeŋ baa dɔ Sɔɔl be kanaŋ to ebi be adɔsawule a sa fo nyɛnpe Mifiboshɛf. Saŋɛ na so Sɔɔl be kanaŋ to ebi beeŋ baa nya kusɔ jiso. Ama Mifiboshɛf bre, ma kutɔ nɛ e beeŋ baa ji saŋkikɛ.”

2 Samuɛl 9:11

Nɛ Ziba kaŋɛ le: “N nyɛnpe, meeŋ wora kusɔ kama nɛ fo kaŋɛ ma.” Amoso Mifiboshɛf nɛ ewura Deevid e daa bɔɔ enɔ a ji fanɛ mo gbagba pibinyɛn na.

2 Samuɛl 9:13

Ama Mifiboshɛf nɛ e la bobi na bre daa wɔ Jerusalɛm nna nɛ mo nɛ ewura na bee bɔɔ enɔ a ji saŋkikɛ.

2 Samuɛl 9:3

Nɛ ewura Deevid naŋ bishi mo le: “Sɔɔl be kanaŋ ere to be esa ko kraa wɔ ŋkpa to a? Nɛ kanaŋ na be esa ko kraa wɔtɔ, kumo ere meeŋ ba sha kewora mo kelela ŋkpal Ebɔrɛ be kasha so.” Nɛ Ziba kaŋɛ le: “Jonatan kraa kɔ ebinyɛn koŋwule ko, ama mo alɛ la bobi nna.”

1 Bewura 2:7

Ama wora Bazilai nɛ e shi Giliad be efuli so na bre be mbinyɛnsobi na kelela nseŋ shin nɛ b baa tu fo a ji saŋkama, ŋkpal manɛ so b daŋ wora ma kelela ga saŋɛ so nɛ n daa shil a ŋana fo da Absalɔm so na.

2 Bewura 25:29

E daŋ sa ewura Jehowachin ekpa nna nɛ e maŋ naa buu kabuti to be asɔbuuso nsaa buu amo nɛ e bee sha. Mo alɛ nɛ Babilɔn be ewura daa chena mbe ejikpa nna a ji karechɛ kikɛ.

Nshɛ 41:9

Nteri kpakpasoana nɛ n yirda ga, nɛ b daa tu ma a ji gba pal kaman nna n sa ma.

Jɛremaya 52:33

E daŋ sa ewura Jehowachin ekpa nna nɛ e maŋ naa buu kabuti to be asɔbuuso nsaa buu amo nɛ e bee sha. Mo alɛ nɛ Babilɔn be ewura daa chena mbe ejikpa nna a ji karechɛ kikɛ.

Zakareya 7:9

E yɛ: “Dra dra na kikɛ nɛ n ta atande ere n sa ma basa ŋ kaŋɛ bumo le: ‘Men baa wora asheŋ nɛ amo be ekpa so, men baa la basa nsaa wora kelela nsaa wu abar kuwɔr.

Matiu 6:11

Yaŋ sa anyi ajibi nɛ a daga anyi kabre,

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.

1 Samuɛl 20:15

kumo ere fo wora ma kanaŋ kelela. Hale nɛ Enyɛnpe Ebɔrɛ mur fo doŋana kikɛ gba, baa kraa wora ma kanaŋ kelela.

1 Samuɛl 22:23

Amoso ba wɔ ŋ kutɔ. Sɔɔl bee fin ma nɛ fo kikɛ nna nɛ e mɔ, ama sa maa lɔ kufu, an kikɛ beeŋ lar.”