2 Samuɛl 9:1 - EBƆRƐ BE KAWƆL

¹ Kachako nɛ Deevid bishi le: “Esa ko kraa wɔ Sɔɔl be kanaŋ ere to nɛ meeŋ tiŋ n wora mo kelela ŋkpal Jonatan so a?”

2 Samuɛl 9:1 ပူးပေါင်းရင်းမြစ်များ

2 Samuɛl 1:26

N sipo Jonatan, fo shin nɛ kagbenejija gboŋgboŋi tɔr ma so; ŋkpal fo kasha nɛ fo kɔ n sa ma so; Fo daa sha ma a chɔ kananɛ eche bee sha mo kul.

2 Samuɛl 21:7

Ama ŋkpal kashenteŋ be kɔnɔ naseso nɛ Deevid nɛ Jonatan nase n sa abar na so Deevid daŋ yige Sɔɔl mo nanabi Mifiboshɛf nɛ e la Jonatan pibi na bre nna.

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

1 Bewura 2:7

Ama wora Bazilai nɛ e shi Giliad be efuli so na bre be mbinyɛnsobi na kelela nseŋ shin nɛ b baa tu fo a ji saŋkama, ŋkpal manɛ so b daŋ wora ma kelela ga saŋɛ so nɛ n daa shil a ŋana fo da Absalɔm so na.

Aŋasa 27:10

Sa maŋ kplaŋ fo teri ŋko fo tuto mo teri so. Fo alɛ e sa maŋ yɔ fo niopibi nɛ e wɔ kufɔ kutɔ n ya kaa fin kechɛto tɔrɔ be saŋɛ. Eteri nɛ e taga fo to beeŋ tiŋ n chɛ fo to a chɔ fo niopibi nɛ e wɔ kufɔ.

Matiu 10:42

Nɛ ekama malɛ nɛ e ta nchu nuuso wushiso gbrɛbi kama n sa ma mbibi ere be ekama ŋkpal amodoŋwura ka la ma ebɛsopo so, abaanaaworasheŋ, esa nɛ e bee sa mo nchu na beeŋ nya kumo be tɔnɔ.”

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Maak 9:41

Ma e kaŋɛ menyi kashenteŋto na fanɛ abaanaaworasheŋ, ekama nɛ e sa menyi nchu nuuso ŋkpal men ka la Kristo peya na so so, e beeŋ nya kumo be tɔnɔ.”

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Samuɛl 20:42

Ndoŋ nna nɛ Jonatan kaŋɛ Deevid le: “Ebɔrɛ e yɛr fo nɛ alenfia, ama baa nyiŋi kananɛ ma nɛ fo nase kɔnɔ Enyɛnpe Ebɔrɛ be ketre to a yɔ anyi be keteri be kaplɛa so n sa abar na. Ebɔrɛ malɛ beeŋ shin nɛ ma kanaŋ nɛ fo kanaŋ e bɛ kɔnɔ naseso ere so hale mbaanaayɔ.” Ndoŋ nna nɛ Deevid choŋ, nɛ Jonatan malɛ bɛta n yɔ kade to.