2 Samuɛl 8:6 - EBƆRƐ BE KAWƆL

⁶ Deevid daŋ yige mbe benapo na be beko nna ashi Damaskɔs, nɛ Siriyaebi na sɔ Deevid fanɛ bumo be ewura nsaa ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nna nɛ e bee kɔ a pɔɔ so.

2 Samuɛl 8:6 ပူးပေါင်းရင်းမြစ်များ

2 Samuɛl 10:19

Bewura mo nɛ b daa shuŋ Hadadeza na ka pin fanɛ naniere bre Israɛlebi na pɔɔ bumo so nɛ b fara a fin kagbenewushi ashi Israɛlebi na kutɔ, hale ŋ ki basa nɛ baa shuŋ bumo. Ndoŋ nna nɛ kufu pɛ Siriyaebi na nɛ b fin kananɛ baa naŋ chɛ Ammɔnebi na to ŋ gben.

2 Samuɛl 23:14

nseŋ sɔ Bɛtlɛhɛm kikɛ nɛ ewura Deevid malɛ wɔ kakpa nɛ e ŋana na.

2 Samuɛl 3:18

Naniere bre men nya loŋ be ekpa. Men baa nyiŋi kusɔ nɛ Ebɔrɛ kaŋɛ na.” E yɛ: “Meeŋ bɔla ma kayɛrbi Deevid so m mɔlga ma basa Israɛlebi ashi bumo doŋana kutɔ, fɔŋfɔŋ Filisti be basa na.”

2 Samuɛl 5:10

Ŋkpal Enyɛnpetale Ebɔrɛ ka daa wɔ mo kutɔ so, e daa nya eleŋ nna a ti so saŋkama.

2 Samuɛl 7:9

Kaplɛkama nɛ e baŋ yɔ, ma nɛ mo nna. Nɛ ma alɛ bee pɔɔ mo doŋana kikɛ so a sa mo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ mo alɛ gba be ketre e dii.

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

2 Samuɛl 8:7

Deevid daŋ sɔ shuwa be asɔ kuŋso nɛ a la Hadadeza be nyɛrbi peya na nna n yɔ Jerusalɛm.

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

2 Bewura 1:1

Israɛl be ewura Ahab ka wu be kaman nɛ Mowab be efuli so be basa kini kenu n sa Israɛlebi.

2 Bewura 14:28

B sibɛ kusɔ kama nɛ ewura Jeroboam nyɔsopo daŋ wora nɛ ana nɛ e kɔ nɛ kananɛ e naŋ laŋɛ n sɔ Damaskɔs nɛ Hamaf n ti Israɛl be efuli so na kikɛ n wɔtɔ Israɛl be bewura be adrasheŋ be nwɔl to.

2 Bewura 18:7

Amoso Enyɛnpe Ebɔrɛ na daa wɔ mo kutɔ nna saŋkikɛ. Amoso kusɔ kama nɛ e daa wora daa nyalɛ a sa mo nna. E daŋ kini kenu n sa Asiriya be ewura nɛ kebaala mbe kayɛrbi nna.

2 Bewura 3:4

Mowab be efuli so be ewura Mɛsha daa bela mbolpɔ nna, amoso kafɛ kikɛ e daa ka mbolpɔfɔlbi ŋgboŋ kalfa nɛ ekpakpa ŋgboŋ kalfa malɛ be afuibi be lampo nna a sa Israɛl be ewura.

1 Kronikɛls 18:13

E daŋ wora benapo be echenakpaana nna ashi Edɔm be efuli so kikɛ nna n shin nɛ basa nɛ b wɔ ndoŋ na kikɛ sɔ ewura Deevid ŋ ki bumo be ewura. Kaplɛkama malɛ nɛ ewura Deevid daŋ yɔ, Enyɛnpe Ebɔrɛ na daa shin nna nɛ e bee kɔ a pɔɔ so.

2 Kronikɛls 17:2

E daŋ ta benapo nna n yili Juda be nde nɛ b pɔr egbal ŋ kulti na nɛ ndekarso ko ashi Juda be kasawule so nɛ nde nɛ mo tuto Asa kɔ n sɔ ashi Efrayim be kasawule so na.

Nshɛ 140:7

O Enyɛnpetale Ebɔrɛ, fo la ma emɔlgapo lempo, fo e naa kuŋ ma ashi kekɔ nɛ bedoŋ bee kɔ ma kikɛ to.

Nshɛ 60:10

Enyɛnpe Ebɔrɛ, fo kini anyi kashenteŋto nsaa maaŋ naŋ juŋkpar anyi be benapo nna a?

Aŋasa 21:31

Kanaŋkama so nɛ fo bela ase; hale nɛ fo kena to be egbaŋɛ nɛ benapo wora shiriya gba, Enyɛnpe Ebɔrɛ na e naŋ pɔɔ so.

1 Samuɛl 13:3

Nɛ Jonatan be benapo yɔ n ya kɔ Filistiebi be benapo ashi Gɛba, nɛ Filistiebi na kikɛ nu kumo be asheŋ. Ndoŋ nna nɛ Sɔɔl shuŋi mbɔ fanɛ b nite efuli na so kikɛ n foŋ kabel ŋ kaŋɛ basa kusɔ nɛ k wora.

1 Samuɛl 14:1

Kachako nɛ Sɔɔl pibinyɛn Jonatan kaŋɛ kabrantiɛbia nɛ e bee sulɔ mbe akɔsɔ na le: “Shin nɛ an yɔ Filistiebi be benapo na be keeyi to.” Ama Jonatan malɛ daa maŋ kaŋɛ mo tuto Sɔɔl kumo be asheŋ,

1 Samuɛl 14:15

Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”