2 Samuɛl 8:4 - EBƆRƐ BE KAWƆL

⁴ Kena na to nɛ Deevid pɛ bumo be egbaŋɛdiipoana kagboŋ nɛ alfa shunu nɛ benapo nɛ b na aya so ŋgboŋ adunyɔ. E daŋ pɛ bumo nɛ baa dii egbaŋɛturko na gba nna nseŋ tuge egbaŋɛ na be achin n yige bumo to be kalfa nawule.

2 Samuɛl 8:4 ပူးပေါင်းရင်းမြစ်များ

Jɛnesis 49:6

M maaŋ ta ma kɔnɔ n wɔtɔ bumo be wulo be mmalga to, ma alɛ nɛ bumo maaŋ shɛr ŋ kre asheŋ kikɛ. Ŋkpal manɛ so, b kaa agbo m mɔ basa nseŋ tuge asɔbɔya be aya be achin kenyaŋnyaŋɛso nɛ a ki ebobi.

1 Bewura 10:26

Mbe egbaŋɛturko nɛ egbaŋɛ daŋ baa wora keshi nna hale m ba fo egbaŋɛturko kagboŋ nɛ alfa ana nɛ egbaŋɛ malɛ ŋgboŋ kuduanyɔ. E daŋ yige beko Jerusalɛm nna nseŋ yige beko malɛ ndegboŋ na be ako to.

1 Kronikɛls 18:4

Kena na to nɛ ewura Deevid suge egbaŋɛturko kagboŋ nseŋ pɛ egbaŋɛdiipoana ŋgboŋ ashunu nɛ benapo nɛ b na ayaso malɛ ŋgboŋ adunyɔ. E daŋ tuge egbaŋɛ na kikɛ be achin nna nseŋ yige bumo to be kalfa nɛ baa gberge eturko na.

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Ditɛronɔmi 17:16

Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.

Joshuwa 11:6

Nɛ Enyɛnpe Ebɔrɛ kaŋɛ Joshuwa le: “Men sa maa ŋana bumo ŋkpal manɛ so, echefo saŋɛ ere so, meeŋ ta bumo m bɔɔ menyi Israɛlebi enɔ nɛ men mɔ bumo kikɛ. Men wora m buri bumo be egbaŋɛ na be aya nseŋ chɔ bumo be egbaŋɛturko na.”

Joshuwa 11:9

Kananɛ Enyɛnpe Ebɔrɛ baŋ ŋini Joshuwa na gbagba chap nɛ e daŋ wora. E daŋ buri bumo be egbaŋɛ na be aya nna nseŋ naŋ chɔ bumo be egbaŋɛturko gba.