2 Samuɛl 8:18 - EBƆRƐ BE KAWƆL

¹⁸ Jehowada pibinyɛn Bɛnaya e daa la esa nɛ e bee kuŋ ewura Deevid. Ewura Deevid malɛ be mbinyɛnsobi e daa la mbe asoetojipoana.

2 Samuɛl 8:18 ပူးပေါင်းရင်းမြစ်များ

2 Samuɛl 15:18

Deevid ka yil na, nɛ e wu mbe benapo nɛ mbe bekumpo ka ba choŋ. Katuŋ nɛ b shir kaman m ba choŋ na e daa la benapo alfa ashe nɛ b daŋ bɛ mo so ashi Gaaf nɛ k wɔ Filisti be efuli so na. Ittai e daa la benapo na be enimu.

2 Samuɛl 20:23

Jɔab e daa la Israɛl be benapo na kikɛ be enimu nɛ Jehowada pibinyɛn Bɛnaya malɛ daa la basa nɛ baa kuŋ Deevid na be enimu,

2 Samuɛl 20:26

Nɛ Ira nɛ e shi Jaari be kade to na daa la ewura Deevid be bɔrɛmatapo.

2 Samuɛl 20:7

Ndoŋ nna nɛ Abishai keta Jɔab nɛ benapo lempo na kikɛ, nɛ ewura be bekumpo n lar Jerusalɛm a fin Shɛba a yɔ.

1 Bewura 1:38

Ndoŋ nna nɛ bɔrɛmatapo Zadɔk nɛ anebi Neetan nɛ Bɛnaya nɛ benapo nɛ baa kuŋ ewura Deevid na shin nɛ Sɔlɔmɔn chena ewura Deevid be kurma so nɛ b keta mo n yɔ kebuye nɛ baa tre Gihɔn na ase.

1 Bewura 1:44

E shuŋi bɔrɛmatapo Zadɔk nɛ anebi Neetan nɛ Bɛnaya nɛ basa nɛ baa kuŋ mo na nna nɛ b ya ta mo n chena ewura be kurma so m ba,

1 Bewura 1:8

Ama bɔrɛmatapo Zadɔk nɛ Jehowada pibinyɛn Bɛnaya nɛ anebi Neetan nɛ Shimei nɛ Rei nɛ enapo nɛ e bee kuŋ ewura Deevid na bre daa maŋ bɛ kusɔ nɛ Adonija kaŋɛ na so.

1 Bewura 2:25

Kede be kaman nɛ ewura Sɔlɔmɔn ponte ŋ kaŋɛ Bɛnaya fanɛ e ya mɔ Adonija, nɛ Bɛnaya ya mɔ mo.

1 Bewura 4:4

Jehowada pibinyɛn Bɛnaya e daa la benapo be enimu nɛ Zadɔk nɛ Abiata daa la bɔrɛmatapoana.

1 Bewura 4:5

Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

2 Bewura 11:4

Kafɛ shunusopo na to nɛ bɔrɛmatapo Jehowada shuŋi n tre benimu nɛ benapo nɛ baa keni ewura be laŋ to so na nɛ b shɛr bɔrɛlambu na to m bɔ ntaŋ Enyɛnpe Ebɔrɛ be ketre so a yɔ kusɔ nɛ e bee sha kewora na be kaplɛa so. Ade kikɛ be kaman nɛ e ŋini bumo ewura Ahaziya pibinyɛn Jɔash

1 Kronikɛls 11:22

Jehowada pibinyɛn Bɛnaya nɛ e shi Kabziil na daa la enapo lempo nna. E daŋ ji kenyɛn ekpa damta so ga hale m mɔ Mowab be benapo lempo anyɔ ko. Kachako nɛ e daŋ lar bɔrɛ nɛ abɔrɛjembubi to n ya gbelge kejamaŋ to m mɔ buluŋ.

1 Kronikɛls 18:17

Jehowada pibinyɛn Bɛnaya e daa la benapo nɛ baa kuŋ ewura Deevid na be enimu, nɛ ewura Deevid malɛ be mbinyɛnsobi daa la mbe ekrachigboŋ.

Ezikɛl 25:16

Amoso meeŋ gberge Filisti be basa na kusoe m mɔ bumo. Ma alɛ beeŋ mur bumo be bekama nɛ b ka a wɔ teku ase be nde to na.

Zefanaiya 2:5

Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka.

1 Samuɛl 30:14

An ta kena nna n ya tu Chereti be basa nɛ b wɔ Juda be efuli so be kelargato be kaseto be kaba so na nɛ Kalɛb be kanaŋ to ebi be kaba so nseŋ chɔɔ Ziklag.”