2 Samuɛl 8:1 - EBƆRƐ BE KAWƆL

¹ Jemanɛ ko nɛ ewura Deevid naŋ laŋɛ n ya kɔ Filistiebi na m pɔɔ bumo so, amoso b daa maŋ naa kɔ eleŋ Israɛl be kasawule so kikɛ.

2 Samuɛl 8:1 ပူးပေါင်းရင်းမြစ်များ

2 Samuɛl 19:9

Nɛ Israɛl be basa na kikɛ fara a bile asheŋ a kaŋɛ abar le: “Ewura Deevid e mɔlga anyi ashi anyi doŋana kutɔ, nseŋ naŋ mɔlga anyi ashi Filistiebi kutɔ ama e shile n lar efuli ere so ŋkpal Absalɔm so.

2 Samuɛl 2:24

Ama epeŋi ka bee tɔr nɛ Jɔab nɛ Abishai shile n ju Abna n ya fo Ammaa be kebee nɛ k wɔ Giya be epeŋilarkpa be kaba so a yɔ ekpa nɛ k dese a yɔ Gibiɔn be kiyi to na.

2 Samuɛl 22:44

Fo mɔlga ma ashi basa nɛ baa nyaŋɛto a sha nɛ b mɔ ma na be enɔ to nseŋ ta ma ŋ ki efuli pɔtɛana so be ejuŋkparpo hale nɛ baa shuŋ ma.

2 Samuɛl 5:17

Filistiebi ka nu fanɛ Deevid ki Israɛl be ewura na nɛ bumo be benapo kikɛ ya ka fin mo nɛ b pɛ. Deevid malɛ ka nu loŋ nɛ e shile n yɔ kakpa nɛ e beeŋ nya kumɔlga.

2 Samuɛl 5:25

Ndoŋ nna nɛ Deevid wora kusɔ nɛ Enyɛnpe Ebɔrɛ kaŋɛ na nseŋ ju Filisti be benapo na kikɛ ashi Gɛba n ya fo Gɛza.

2 Samuɛl 7:9

Kaplɛkama nɛ e baŋ yɔ, ma nɛ mo nna. Nɛ ma alɛ bee pɔɔ mo doŋana kikɛ so a sa mo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ mo alɛ gba be ketre e dii.

Nshɛ 18:43

Fo mɔlga ma ashi kumukpakpaso wuraana be enɔ to; nseŋ ta ma ŋ ki efuli pɔtɛana be ejuŋkparpo. Basa nɛ n daa maŋ tama fanɛ baaŋ shuli n sɔ ma ŋ ki bumo be ewura na.

Nshɛ 60:2

Fo shin nɛ kasawule gbuŋgbuŋ to m baŋɛ to m bugi to. Naniere shin nɛ kasawule na e cha abar so nseŋ yige kebaa gbuŋgbuŋ to.

Nshɛ 60:8

Nɛ Mowab la fo kusɔ fɔr enɔ, nɛ fee ta fo asɛbta malɛ a deŋi Edɔm so, nsaa yili Filisti malɛ so a cha kekɔmpɔɔso be awɔr.

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.

Hibruwebi 11:34

B daa la bepɔshipo nna, ama b daŋ ki belempo. B daa kɔ eleŋ ashi kena to n daŋ tiŋ m pɔɔ befɔ be esoji so nɛ b shile n choŋ.

1 Samuɛl 7:13

Israɛl be benapo na daŋ pɔɔ Filistiebi na so nna. Samuɛl be jemanɛ so malɛ kikɛ Enyɛnpe Ebɔrɛ daŋ chɛ Israɛlebi na to nna nɛ Filistiebi na maŋ naŋ tiŋ n sɔ bumo be efuli kikɛ.