2 Samuɛl 7:9 - EBƆRƐ BE KAWƆL

⁹ Kaplɛkama nɛ e baŋ yɔ, ma nɛ mo nna. Nɛ ma alɛ bee pɔɔ mo doŋana kikɛ so a sa mo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ mo alɛ gba be ketre e dii.

2 Samuɛl 7:9 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

2 Samuɛl 22:1

Enyɛnpe Ebɔrɛ ka mɔlga ewura Deevid ashi mo doŋana nɛ ewura Sɔɔl be enɔ to na, nɛ e boŋ kashɛ ere m maŋkura mo.

2 Samuɛl 22:30

Fo e naa sa ma eleŋ nɛ mee kɔ ma doŋana a pɔɔ so nsaa suge bumo be nde.

2 Samuɛl 22:43

N nɔkɔr ma doŋana nɛ b ki fanɛ kasawule so be shishɛr, nseŋ chichi bumo so nɛ b ki fanɛ ekpa to be depɔ.

2 Samuɛl 23:1

Ebɔrɛ nɛ e la Jeekɔb be Ebɔrɛ na e daŋ lara Jese pibinyɛn Deevid nɛ e ki esagboŋ nɛ ewura. Deevid malɛ e daa la esa nɛ e boŋ nshɛ nɛ a wɔ ebel ga ashi Israɛl to. Deevid be lalaloge be mmalga nɛ e daŋ malga nde.

2 Samuɛl 5:10

Ŋkpal Enyɛnpetale Ebɔrɛ ka daa wɔ mo kutɔ so, e daa nya eleŋ nna a ti so saŋkama.

2 Samuɛl 8:13

Deevid ka ya mɔ Edɔmebi be basa ŋgboŋ kuduaburwa ashi Nfɔl be ketaŋɛ na to nseŋ bɛta m ba na, nɛ mbe ketre dii ga n ti so.

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

2 Samuɛl 8:6

Deevid daŋ yige mbe benapo na be beko nna ashi Damaskɔs, nɛ Siriyaebi na sɔ Deevid fanɛ bumo be ewura nsaa ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nna nɛ e bee kɔ a pɔɔ so.

1 Kronikɛls 17:8

Kaplɛkama nɛ fo daŋ yɔ, ma nɛ fo nna. Nɛ ma alɛ bee pɔɔ fo doŋana kikɛ so a sa fo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ fo alɛ gba be ketre e dii.

Nshɛ 21:6

Kashenteŋto, fo sa mo nɛfa mbaanaayɔ; fo nɛ mo be kebaala na malɛ bee fuli mo kagbene nna.

Nshɛ 89:23

Meeŋ tɔrɔ mo doŋana ga nseŋ mɔ ekama nɛ e kishi mo.

Luuk 1:52

E gbelge bewurgboŋ ashi bumo be nwurputi so m ba kaseto nseŋ maŋ bebɔlpo so.

Joshuwa 6:27

Ŋkpal Enyɛnpe Ebɔrɛ na ka daa wɔ Joshuwa kutɔ so mbe ketre daŋ dii nna ga ashi efuli na kikɛ so.

1 Samuɛl 18:14

Saŋkama malɛ nɛ Deevid baŋ yɔ kena to, e daa kɔ nna a pɔɔ so ŋkpal Enyɛnpe Ebɔrɛ ka daa wɔ mo kutɔ so.

1 Samuɛl 18:30

Saŋkama nɛ Filisti be bewura nɛ benapo nɛ Israɛlebi baa kɔ, Deevid e naa kaa kɔ a pɔɔ so a chɔ Sɔɔl be benapo be benimu na be ekama. Ŋkpal loŋ so, nɛ Deevid be ketre daŋ dii ga.

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.

1 Samuɛl 31:6

Kananɛ Sɔɔl nɛ mbe mbinyɛnsobi asa na nɛ enapo nɛ e bee keta mbe akɔsɔ na daŋ wu nna na. Kachɛ koŋwule nɛ Sɔɔl nɛ mbe benapo kikɛ daŋ wu.

1 Samuɛl 5:10

Ndoŋ nna nɛ b ta ŋkre be deka na n yɔ Ekrɔn, ama b kaa bee luri kade na to na nɛ basa na fara a cha awɔr a kaŋɛ le: “B bar Israɛl be Ebɔrɛ be ŋkre be deka na nfe nna nɛ k ba mɔ anyi nɛ an wɔ kade ere to kikɛ!”