2 Samuɛl 7:7 - EBƆRƐ BE KAWƆL

⁷ Enite damta nɛ ma nɛ Israɛlebi ere malɛ nite ere kikɛ, m maŋ naŋ bishi bumo be bejuŋkparpo nɛ n tre fanɛ b baa keni ma basa so fanɛ kananɛ mbolpɔkpapo bee keni mbe mbolpɔ so na be ekama kusɔ nɛ k ba nɛ b maŋ ta ndibi nɛ baa tre sida na m pɔr bɔrɛlambu n sa ma.

2 Samuɛl 7:7 ပူးပေါင်းရင်းမြစ်များ

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

1 Kronikɛls 11:2

Dra na kikɛ, hale saŋɛ so nɛ Sɔɔl daa la anyi be ewura na gba, fo e juŋkpar Israɛlebi na n yɔ kena to. Enyɛnpe Ebɔrɛ na e daŋ yili kumo fanɛ, fo e naŋ ba ki anyi be ejuŋkparpo nɛ ewura a keni anyi so fanɛ kananɛ mbolpɔkpapo bee keni mbe mbolpɔ so na.”

1 Kronikɛls 17:6

Enite damta nɛ ma nɛ Israɛlebi nite ere kikɛ, m maŋ naŋ bishi bumo be bejuŋkparpo nɛ n tre fanɛ b baa keni ma basa so fanɛ kananɛ mbolpɔkpapo bee keni mbe mbolpɔ so na be ekama kusɔ nɛ k ba nɛ b maŋ ta ndibi nɛ baa tre sida na m pɔr bɔrɛlambu n sa ma.”

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jɛremaya 23:4

Ma alɛ beeŋ lara bejuŋkparpo nɛ baŋ keni bumo so kananɛ k daga nɛ kufu maaŋ naa kɔ bumo nɛ b baa chicha kufuso. M maaŋ naŋ gberge bumo kusoe kikɛ. Bumo be ekoŋwule gba maaŋ foe bumo to. Ma, Enyɛnpe Ebɔrɛ e kaŋɛ na.”

Jɛremaya 3:15

Meeŋ shin nɛ basa nɛ b nyi asheŋ nsaa nu a sa ma e ji menyi so kuwura nsaa keni menyi so fanɛ mbolpɔkpapo.

Ezikɛl 34:15

Ŋ gbagba e naaŋ baa keni ma mbolpɔ so nseŋ fin ewushi be kakpa n sa bumo. Ma, Enyɛnpetale Ebɔrɛ e kaŋɛ na.

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

Ditɛronɔmi 23:14

Ŋkpal menyi nɛ Enyɛnpe menyi be Ebɔrɛ na ka wɔ keeyi na to nɛ e bee kuŋ menyi nsaa shin nɛ menyee kɔ a pɔɔ men doŋana so so, a daga fanɛ men baa keni keeyi na so nɛnɛ nɛ k baa du farfarbi nsaa walɛ so daŋkare be ekpa so. Amoso men sa maŋ kaa wora ekishisheŋ nɛ k beeŋ shin nɛ Enyɛnpe Ebɔrɛ na e pal kaman n sa menyi kikɛ.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.