2 Samuɛl 7:25 - EBƆRƐ BE KAWƆL

²⁵ Naniere bre Enyɛnpe Ebɔrɛ, shin nɛ fo kɔnɔ nɛ fo nase n sa ma nɛ n nanabiana na e bɔlɔ so.

2 Samuɛl 7:25 ပူးပေါင်းရင်းမြစ်များ

Jɛnesis 32:12

Ama fo alɛ kaŋɛ fanɛ feeŋ shin nɛ ŋ ki asɔwura nseŋ shin nɛ ma kanaŋ e salga fanɛ teku ase be leele nɛ esa maaŋ tiŋ ŋ karga na.”

2 Samuɛl 7:24

Fo lara Israɛlebi na fanɛ fo basa nna hale mbaanaayɔ, nɛ fo Enyɛnpe Ebɔrɛ malɛ ki bumo be Ebɔrɛ.

2 Samuɛl 7:26

Fo ketre beeŋ dii n sɔ kaplɛkama nɛ basa e baa kaŋɛ saŋkama fanɛ, fo e la Enyɛnpetale nɛ fo la Israɛl be Ebɔrɛ na. Ma alɛ be kanaŋ ere to nɛ feeŋ baa lara bewura saŋkama.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 8:26

Amoso Enyɛnpe Israɛl be Ebɔrɛ, shin nɛ kusɔ kama nɛ fo nase kɔnɔ n sa fo kenya ewura Deevid na e bɔlɔ so.

2 Kronikɛls 6:17

Enyɛnpe nɛ fo la Israɛl be Ebɔrɛ na, shin nɛ kusɔ kama nɛ fo nase kumo be kɔnɔ n sa fo kenya ewura Deevid na a bɔlɔ so.

Nshɛ 119:38

N la fo kayɛrbi nna. Wora kusɔ nɛ fo nase kɔnɔ n sa bekama nɛ baa ŋana fo na n sa ma alɛ gba.

Nshɛ 119:49

Baa nyiŋi kɔnɔ nɛ fo nase n sa ma, fo kayɛrbi na; ŋkpal manɛ so, ma tama deŋ kumo so nna.

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

1 Samuɛl 1:23

Nɛ Ɛlkana kaŋɛ le: “K nyalɛ, wora kusɔ nɛ fee fɛ fanɛ k walɛ n sa fo, ama baa wɔ laŋ to n ya fo saŋkama nɛ feeŋ ku kebia na kenyipo. Enyɛnpe Ebɔrɛ e shin nɛ fo kɔnɔ nɛ fo nase na e bɔlɔ so.” Ndoŋ nna nɛ Haana chena laŋ to a nyipo kebia na n ya fo saŋɛ nɛ e ku mo kenyipo.