2 Samuɛl 7:23 - EBƆRƐ BE KAWƆL

²³ Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

2 Samuɛl 7:23 ပူးပေါင်းရင်းမြစ်များ

2 Samuɛl 7:24

Fo lara Israɛlebi na fanɛ fo basa nna hale mbaanaayɔ, nɛ fo Enyɛnpe Ebɔrɛ malɛ ki bumo be Ebɔrɛ.

1 Kronikɛls 17:21

Efuli kikɛ maŋ naa wɔ kasawule ere so fanɛ Israɛl be efuli nɛ fo lara ashi kenyaya to nseŋ shin nɛ b ki fo basa na. Mamachi be asɔ damta nɛ fo wora n sa bumo na e shin nɛ fo ketre dii durnya ere to. Fo mɔlga fo basa ashi Ijipt be kasawule so, m bar bumo nfe nseŋ ju efuli ere so ebi n shin nɛ fo basa chena bumo be nsawule so.

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nshɛ 106:22

Bumo alɛ daŋ naŋ teŋ alemaŋkarsheŋ nɛ e wora ashi teku peper na ase na be asheŋ so nna.

Nshɛ 111:9

Ebɔrɛ e sɔ mbe basa n yige; mo e wora mo nɛ bumo be kɔnɔkoŋwule be ŋkre mbaanaayɔ. E la esa cheembi nɛ esa gboŋgboŋi nɛ e daga bunyaŋgboŋ nna.

Nshɛ 145:6

Basa beeŋ baa malga fo asheŋgboŋ be asheŋ nsaa ber fo keshi be kubomboŋ a sa beko.

Nshɛ 147:20

E maŋ wora le n sa efuli pɔtɛ kama so be basa; b maŋ nyi mbe mbraana gba. Men baa kpaŋ Enyɛnpe Ebɔrɛ na!

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 65:5

An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Ɛksodɔs 33:16

Nɛ fo maŋ tu anyi n yɔ, nuso nɛ esa beeŋ wora m pin ma nɛ fo basa be asheŋ ka bee par fo? Fo kebaawɔ anyi kutɔ e naaŋ shin nɛ an baa kɔr bomin kikɛ to ashi durnya ere to.”

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ɛksodɔs 9:15

Kashenteŋto, nɛ n daa sha nna n dafanɛ n shin nɛ kulɔ lubi mo nɛ k daa beeŋ tiŋ m mur fo nɛ fo basa kikɛ ashi kasawule ere so ba menyi so n chɛr.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Jɛremaya 32:20

Fo daŋ wora emamachisheŋ nɛ asheŋ tumase ashi Ijipt be efuli so dra dra na, jemanɛ nɛ fo daŋ lara fo basa Israɛlebi na kenyaya to ashi ndoŋ na, nseŋ kraa wora amo hale kabre gba ashi Israɛl nɛ efuli pɔtɛana so. Amoso ekama nyi fo asheŋ kaplɛkama nna.

Jɛremaya 32:21

Emamachisheŋ nɛ asheŋ tumase nɛ fo wora na ta kufugboŋ nna n lɛ an doŋana so.

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Nɔmbɛs 6:27

“Ŋkpal manɛ so, b baŋ ta ma ketre ŋ kule nɛfa n sa Israɛlebi na, ma alɛ beeŋ nɛfa bumo.”

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Ditɛronɔmi 10:21

Men baa kpaŋ mo, ŋkpal manɛ so, mo e la menyi be Ebɔrɛ nɛ menyi alɛ gbagba wu asheŋgboŋ nɛ a bee mɔ kɔnɔ nɛ e wora kenishiso.

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 33:29

Israɛlebi, men be ŋgbene fuli pasaa! Ekama maŋ wɔtɔ e du fanɛ menyi. Enyɛnpe Ebɔrɛ na mɔlga menyi be efuli nna. Mo gbagba e naa kuŋ menyi nsaa kɔ a sa menyi. Mo koŋwule na e naa chɛ menyi to a shin nɛ menyee kɔ a pɔɔ so. Men doŋana beeŋ ba gbir ŋ kule fanɛ men wu bumo kuwɔr, nɛ men chichi bumo so m mata kasawule.”

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Joshuwa 7:9

Keenanebi nɛ bekama nɛ b wɔ efuli ere so kikɛ beeŋ nu kesheŋ ere nseŋ kulti anyi n wɔtɔ m mɔ anyi kikɛ! Nɛ loŋ malɛ wora, nnɛ nɛ fo bunyaŋ naa wɔ?”

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.