2 Samuɛl 7:22 - EBƆRƐ BE KAWƆL

²² kananɛ fo Enyɛnpetale be keshi du! Fo nawule e la Ebɔrɛ. Dra kikɛ nɛ an nyi fo ka la Ebɔrɛ.

2 Samuɛl 7:22 ပူးပေါင်းရင်းမြစ်များ

2 Samuɛl 22:32

Wanɛ malɛ e naa la Ebɔrɛ nɛ manɛ Enyɛnpe Ebɔrɛ nɛ e la ma kefalta ere.

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

1 Kronikɛls 16:25

Enyɛnpe Ebɔrɛ kɔ eleŋ nseŋ daga kemaŋkura. Mo e daga bunyaŋ a chɔ agbir.

2 Kronikɛls 2:5

Mee sha kepɔr bɔrɛlambu nɛ k shibi ga nna, ŋkpal manɛ so, anyi be Ebɔrɛ na kɔ eleŋ a chɔ kegbir kikɛ.

Nshɛ 135:5

N nyi fanɛ Enyɛnpe Ebɔrɛ na shi ga a chɔ agbirana kikɛ.

Nshɛ 145:3

Enyɛnpe Ebɔrɛ na shi ga, nseŋ daga fanɛ b baa kpaŋ mo saŋkama. Ekama maaŋ tiŋ m pin mbe kishi na to.

Nshɛ 44:1

Enyɛnpe anyi be Ebɔrɛ, an nananyɛnana kaŋɛ anyi kusɔ nɛ fo wora dra dra na. Nɛ anyi alɛ kaŋ asoe n nu,

Nshɛ 48:1

Enyɛnpe Ebɔrɛ na shi nseŋ daga an ka fur mo ga ashi kadegboŋ nɛ e wɔ kumo to nɛ k tase mbe kebeegboŋ cheembi nɛ baa tre Zayɔn na so na.

Nshɛ 86:10

Fo ka la Ebɔrɛ so, fo nawule e naa wora emamachisheŋ nɛ e bee mɔ kɔnɔ.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Nshɛ 89:6

Ekama maŋ du fanɛ fo, Enyɛnpe Ebɔrɛ na ashi ebɔrɛso; Ekama malɛ maaŋ tiŋ n ta mbe kumu m ber fo ashi ndoŋ.

Nshɛ 89:8

Fo e la Enyɛnpetale Ebɔrɛ na. Ekama maŋ naa kɔ kasha nsaa ji kashenteŋ fanɛ fo.

Nshɛ 96:4

Ŋkpal manɛ so, Enyɛnpe Ebɔrɛ shi ga, nseŋ daga fanɛ ekama e baa kpaŋ mo nsaa ŋana mo a chɔ agbirana kikɛ.

Ɛksodɔs 10:2

Kumo be loŋ beeŋ shin nɛ menyi alɛ gba e kaŋɛ men be mbia nɛ men nanabiana kananɛ n daŋ wora emamachisheŋ ashi Ijiptebi be anishito, saŋɛ na so menyi kikɛ beeŋ pin fanɛ ma e la Enyɛnpe Ebɔrɛ na.”

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 8:10

Ndoŋ nna nɛ Fɛɛro kaŋɛ: “Kumo ere ba kule Ebɔrɛ n sa ma echefo.” Nɛ Mosis shuli so ŋ kaŋɛ mo: “To, kusɔ nɛ fo kaŋɛ ere beeŋ wora loŋ nɛ fo pin fanɛ esa kikɛ maŋ naa wɔtɔ a du fanɛ Enyɛnpe Ebɔrɛ nɛ e la anyi be Ebɔrɛ na.

Ɛksodɔs 8:6

Ndoŋ nna nɛ Ɛɛrɔn teŋi mbe enɔ nɛ kekpabi na n shoŋi n shoŋi Ijipt be nchuana kikɛ so nɛ epulo na lar amo to m ba sɔ Ijipt be kasawule so kikɛ.

Ɛksodɔs 9:14

Nɛ mannɛ aloŋ, meeŋ shin nɛ kulɔ lubi nɛ k chɔ etɔrɔana ere kikɛ e tu fo nɛ fo beyaasepo nɛ fo basa kikɛ nɛ fo pin fanɛ esa kikɛ maŋ naa wɔtɔ a du fanɛ ma ashi durnya ere to kikɛ.

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 45:5

Ma e la Enyɛnpe Ebɔrɛ na; Ebɔrɛ kikɛ maŋ naa wɔtɔ n ti ma so. Fo ka maŋ nyi ma ere gba, ŋ kraa beeŋ wora fo eleŋ to.

Ezikɛl 36:22

Amoso kaŋɛ Israɛlebi na kubɔya nɛ ma, Enyɛnpetale Ebɔrɛ na kɔ nɛ sa bumo: Mannɛ menyi Israɛlebi so nɛ meeŋ wora kusɔ nɛ mee sha kewora ere, ama ma ketre cheembi nɛ men ŋaba efuli pɔtɛ kama nɛ men yɔ kumo so na so.

Ezikɛl 36:32

Kede be kaman nɛ Enyɛnpetale Ebɔrɛ na kaŋɛ le: Israɛlebi, mee sha nɛ men pin fanɛ mannɛ menyi so nɛ mee wora asheŋ ere, ama mee sha nna nɛ anishinyɔr nɛ nyɔmɔ e pɛ menyi ŋkpal asheŋ nɛ men wora na so.”

Danɛl 2:45

Fo wu kananɛ kejembu nɛ k maŋ shi dimɛdi be enɔ to shi esoso m ba ŋmɛa kapɔrduli nɛ b ta kebɛlso nɛ danyaŋ nɛ ebɔ nɛ gbiti nɛ shuwa n lɔŋɛ na. Yiramu, Ebɔrɛ lempo na bee kaŋɛ fo kusɔ nɛ k beeŋ wora kachako so nna na. Fo edare nɛ fo ku na nɛ kumo be kifito kikɛ nɛ ŋ kaŋɛ fo na.” Ewura na ka sa Danɛl kakɛ be asheŋ

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Ditɛronɔmi 3:24

“Enyɛnpetale Ebɔrɛ, n nyi fanɛ asheŋgboŋ nɛ emamachisheŋ nɛ fee sha kewora na nɛ fo fara ŋ ŋini ma na. Ebɔrɛ kikɛ maŋ naa wɔ ebɔrɛso ŋko kasawule so nɛ e beeŋ tiŋ n wora asheŋgboŋ nɛ fo wora ere!

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Ditɛronɔmi 4:35

Enyɛnpe Ebɔrɛ na daŋ wora ade kikɛ nna ŋ ŋini menyi, saŋɛ na so menyeeŋ pin fanɛ mo nawule e la Ebɔrɛ nɛ ekama maŋ naa wɔtɔ n ti mo so.

Ditɛronɔmi 4:39

Amoso men nyiŋi kabre fanɛ Enyɛnpe Ebɔrɛ na e la Ebɔrɛ ashi ebɔrɛso nɛ kasawule so kikɛ. Ebɔrɛ kikɛ maŋ naa wɔtɔ n ti mo so.

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.