2 Samuɛl 7:12 - EBƆRƐ BE KAWƆL

¹² E kaŋ wu nɛ b ta mo n ya nase mo nananyɛnana be edesekpa, meeŋ shin nɛ mbe mbinyɛnsobi ere be eko e ki ewura, nɛ n shin nɛ mbe kuwurji malɛ e ba kɔ eleŋ ga.

2 Samuɛl 7:12 ပူးပေါင်းရင်းမြစ်များ

Jɛnesis 15:4

Ndoŋ nna nɛ Eebram naŋ nu Enyɛnpe Ebɔrɛ na ka naŋ malga mo kutɔ ŋ kaŋɛ: “Mannɛ fo kenya Eliaza e naaŋ ji fo kapetɛ. Fo gbagba pibinyɛn kurgeso e naaŋ ki fo asɔ be kumuwura.”

2 Samuɛl 22:51

Fo Ebɔrɛ e naa sa esa nɛ fo lara fanɛ e baa la ewura na kekɔmpɔɔso be eleŋ. Fo alɛ be kasha nɛ fo kɔ n sa fo ewura laraso Deevid nɛ mbe kaman to ebi na maa loge kikɛ.

1 Bewura 1:21

Fo baa maŋ wora loŋ pɔɛŋ nseŋ ta fo anishi ŋ ŋana, kumo ere Adonija beeŋ ta ma nɛ m pibinyɛn Sɔlɔmɔn ŋ ki bedoŋ nseŋ mɔ anyi.”

1 Bewura 1:48

ŋ kule Ebɔrɛ ŋ kaŋɛ le: ‘Kemaŋkura e baa la Enyɛnpe Israɛl be Ebɔrɛ na peya. Mo e shin nɛ n chena n wu esa nɛ e beeŋ sɔ ma so n ji kuwura!’ ”

1 Bewura 2:1

Deevid ka bee shin nɛ e wu nɛ e tre mo pibinyɛn Sɔlɔmɔn m malga mbe lalaloge be kamalga n sa mo ŋ kaŋɛ le:

1 Bewura 2:10

Deevid ka wu, Jerusalɛm nɛ baa tre Ewura Deevid be kade na, to nɛ b puli mo.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 5:5

Ŋkpal Enyɛnpe Ebɔrɛ ka nase kɔnɔ n sa n tuto ewura Deevid fanɛ mbe kebia e naaŋ ba ki ewura nseŋ pɔr bɔrɛlambu nɛ baaŋ baa bunyaŋ Enyɛnpe Ebɔrɛ kumo to mbe kaman na so nɛ n yili kumo fanɛ meeŋ pɔr kumo nɛ b baa bunyaŋ Enyɛnpe ma Ebɔrɛ na kumo to.

1 Bewura 8:15

Le nɛ e daŋ kaŋɛ: “Kapandi e baa la Enyɛnpe Ebɔrɛ Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo le:

1 Bewura 8:19

ama mannɛ fo e naaŋ pɔr kumo, fo pibinyɛn nɛ e la fo gbagba be ŋklaŋ e naŋ ba pɔr ma bɔrɛlambu na n sa ma.’

1 Bewura 8:20

Enyɛnpe Ebɔrɛ be kɔnɔ nɛ e nase na bɔlɔ so naniere bre: Ma e sɔ n tuto so n ji Israɛl be kuwura, ma alɛ e pɔr bɔrɛlambu nɛ baaŋ ba bunyaŋ Enyɛnpe Israɛl be Ebɔrɛ na.

1 Bewura 9:5

kumo ere ma kɔnɔ nɛ n nase n sa fo tuto fanɛ mbe kanaŋ to be esa e naaŋ baa ji Israɛl be kuwura saŋkama na beeŋ bɔlɔ so.

2 Bewura 8:19

Ama Enyɛnpe Ebɔrɛ na daa maa sha fanɛ e mur Juda ŋkpal e ka nase kɔnɔ n sa ewura Deevid dra dra fanɛ mbe kaman to ebi e naŋ baa ji Juda be kuwura saŋkikɛ so.

1 Kronikɛls 17:11

Fo kaŋ wu nɛ b ta fo n ya nase fo nananyɛnana be edesekpa, meeŋ shin nɛ fo mbinyɛnsobi ere be eko e ki ewura, nɛ n shin nɛ mbe kuwurji malɛ e baa kɔ eleŋ ga.

2 Kronikɛls 1:9

O Enyɛnpe Ebɔrɛ, jande shin nɛ fo nnɔ nɛ fo nase n sa n tuto na e bɔlɔ so. Fo ta ma nna ŋ ki basa nɛ b shibi m baŋ so kekarga ere be ewura,

2 Kronikɛls 13:5

Men maŋ nyi fanɛ Enyɛnpe Ebɔrɛ nɛ e la Israɛl be Ebɔrɛ na nase kɔnɔ kpakpaso n sa ewura Deevid fanɛ mo ere Ebɔrɛ na ta Israɛl be kuwurji nna n sa mbe kaman to ebi mbaanaayɔ a?

2 Kronikɛls 21:7

ama Enyɛnpe Ebɔrɛ na daa maa sha fanɛ e mur ewura Deevid be kaman to ebi na, ŋkpal mo nɛ ewura Deevid ka wora ŋkre nɛ e nase kɔnɔ fanɛ ewura Deevid be kaman to ebi e naaŋ baa ji kuwura mbaanaayɔ so.

2 Kronikɛls 23:3

Bumo kikɛ daŋ ba shɛr bɔrɛlambu na to nna nɛ bumo nɛ ewura pibinyɛn Jɔash wora kɔnɔkoŋwule be ŋkre. Ndoŋ nna nɛ Jehowada kaŋɛ bumo le: “Ewura nɛ e wu na pibinyɛn nde. Mo e naŋ ki ewura naniere ŋkpal manɛ so Enyɛnpe Ebɔrɛ na nase kɔnɔ nna fanɛ ewura Deevid be kaman to ebi e naaŋ baa ji kuwura saŋkikɛ.

2 Kronikɛls 6:15

Fo shin nɛ fo kɔnɔ nɛ fo nase n sa n tuto ewura Deevid na bɔlɔ so kabre.

2 Kronikɛls 6:9

ama mannɛ fo e naaŋ pɔr kumo, fo pibinyɛn nɛ e la fo gbagba be ŋklaŋ na e naaŋ ba pɔr ma bɔrɛlambu na n sa ma.’

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 33:17

Ma, Enyɛnpe Ebɔrɛ na nase kɔnɔ fanɛ ewura Deevid be kaman to ebi e naŋ baa ji kuwura ashi Israɛl be efuli so,

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Matiu 1:1

Kananɛ Yesu Kristo nɛ e shi Ewura Deevid nɛ mo alɛ shi Eebraham be kanaŋ to kikɛ lar nde.

Luuk 1:32

E beeŋ ba kaa la esagboŋ nɛ b baa tre mo Ewurgboŋ Ebɔrɛ Pibinyɛn. Enyɛnpe Ebɔrɛ beeŋ shin nɛ e ji kuwura nɛ mo nana Deevid daŋ ji na.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ashuŋ Shunso 2:30

E daa la anebi nna a nyi Ebɔrɛ be kɔnɔ nɛ e nase n sa mo fanɛ e beeŋ shin nɛ mo ere Deevid be kanaŋ to ebi be eko e ki ewura fanɛ Deevid gbagba.

1 Kɔrintebi 15:51

Men keni nɛ ŋ kaŋɛ menyi wulo to be kesheŋ ko fanɛ mannɛ anyi kikɛ e naaŋ wu, ama anyi kikɛ beeŋ chɛrga.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

1 Tɛsalɔnikaebi 4:14

An kɔ yirda fanɛ Yesu wu n tiŋi luwu to. Amoso, an nyi fanɛ Ebɔrɛ beeŋ shin nɛ Yesu nɛ basa nɛ b yirda mo pɔɛŋ nseŋ wu na e ba.