2 Samuɛl 7:1 - EBƆRƐ BE KAWƆL

¹ Ade kikɛ be kaman nɛ ewura Deevid ya chena mbe laŋ to, nɛ Enyɛnpe Ebɔrɛ shin nɛ kayurwushi ba mbe efuli so kikɛ.

2 Samuɛl 7:1 ပူးပေါင်းရင်းမြစ်များ

2 Samuɛl 5:11

Kede be kaman nɛ Taye be ewura Hiram shuŋi mbɔ ewura Deevid kutɔ nseŋ sa mo ndibi nɛ baa tre sida na n ta ekapɛnta nɛ basa nɛ baa ta ajembu a pɔr n ti so fanɛ b ya pɔr ewura be laŋ n sa Deevid.

2 Samuɛl 6:23

Ŋkpal kusɔ nɛ Sɔɔl pibiche Mikaal kaŋɛ na so e daa maŋ naŋ kurge kikɛ hale m ba wu.

2 Samuɛl 7:11

Ŋkpal manɛ so, meeŋ kuŋ menyi ashi men doŋana kutɔ nseŋ naŋ shin nɛ menyi be kanaŋ to ebi e wora kishi ga n ti so.

1 Bewura 5:4

Naniere bre Enyɛnpe Ebɔrɛ bar kayurwushi ashi ma kasawule so kikɛ. Bedoŋ na kikɛ maŋ naa wɔtɔ, amoso kayurwushi ba.

1 Kronikɛls 22:6

Ndoŋ nna nɛ ewura Deevid shuŋi n tre mo pibinyɛn Sɔlɔmɔn ŋ kaŋɛ mo fanɛ e pɔr bɔrɛlambu n sa Enyɛnpe, Israɛl be Ebɔrɛ na.

1 Kronikɛls 22:7

Le nɛ Deevid kaŋɛ mo: “M pibinyɛn, n daa sha fanɛ m pɔr bɔrɛlambu nna m maŋkura Enyɛnpe Ebɔrɛ na.

1 Kronikɛls 28:2

Ewura Deevid daŋ niŋito nna n yili bumo be anishito nseŋ kaŋɛ bumo le: “Ma basa, men nu nfe. N daa sha kepɔr bɔrɛlambu nɛ ŋkre be deka na beeŋ baa wɔtɔ ndoŋ nna mbaanaayɔ, saŋɛ na so anyeeŋ baa yɔ ndoŋ n ya ka bunyaŋ Enyɛnpe Ebɔrɛ na. N wora asɔ kama nɛ a daga fanɛ an ta m pɔr loŋ be bɔrɛlambu na be shiriya

2 Kronikɛls 14:6

Mbe jemanɛ to e daŋ shin nna nɛ b naŋ pɔr egbalana n deŋi deŋi egbalana nɛ b pɔr ŋ kulti Juda be nde na so nɛ nde na nya eleŋ n ti so. Amoso nfɛ damta nɛ b daa maŋ naa kɔ kena ŋkpal Enyɛnpe Ebɔrɛ ka sa bumo kagbenewushi so.

2 Kronikɛls 20:30

Amoso Jehoshafat daŋ ji mbe kuwura kagbenewushiso nna nɛ Ebɔrɛ daŋ kuŋ mo ekpa kama so.

Nshɛ 132:5

n ya fo saŋɛ nɛ meeŋ nya ekpa m pɔr bɔrɛlambu n sa Enyɛnpetale Ebɔrɛ nɛ e la Jeekɔb be Ebɔrɛ na.”

Nshɛ 18:1

Enyɛnpe Ebɔrɛ mee sha fo; fo kutɔ nɛ ma eleŋ bee shi.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Matiu 25:16

Kenya nɛ e daŋ nya ebɔtɛ anu na ya fara epul na to n ta mbe amansherbi na a ji yawu n naŋ nya ebɔtɛ anu be tɔnɔ n ti so.

Ashuŋ Shunso 7:46

Mbe asheŋ daŋ bɔlɔ Ebɔrɛ kenishi ga nɛ e kule Ebɔrɛ fanɛ e shin nɛ e pɔr ebu n sa mo ere, Jeekɔb be Ebɔrɛ na.

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 23:1

Enyɛnpe Ebɔrɛ na daŋ sa Israɛlebi na ewushi nfɛ damta nna ashi bumo doŋana kutɔ. Joshuwa malɛ daŋ bel ga nna.