2 Samuɛl 6:14 - EBƆRƐ BE KAWƆL

¹⁴ Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

2 Samuɛl 6:14 ပူးပေါင်းရင်းမြစ်များ

2 Samuɛl 6:15

Ndoŋ nna nɛ mo nɛ Israɛlebi na kikɛ ta ŋkre be deka na, a foŋ mbel a cha awɔr kagbenefuliso a yɔ Jerusalɛm.

2 Samuɛl 6:20

B ka loge nɛ Deevid bee ba laŋ to nɛ e ba chɔrɔ mbe kanaŋ, nɛ Sɔɔl pibiche Mikaal shɛr Deevid to ŋ kaŋɛ mo le: “Kabre Israɛl malɛ be ewura nase ketande bre! Mbe beyaasepo be mbita be anishito nɛ e delgeso fanɛ ewulpo!”

1 Kronikɛls 15:27

Deevid nɛ beshɛbompo be enimu Chɛnanaya nɛ Livaiebi nɛ b daŋ sulɔ ŋkre be deka na daŋ buu ago be kechɛbi lela be epiŋi nna. Ewura Deevid bre daŋ buu kabɔrɛmata be piŋi nɛ baa tre ɛfɔd na nna n daŋi mbe piŋi so.

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 150:4

Men baa laŋ ŋkure a cha a kpaŋ mo, nsaa ta ejaŋjilaŋ nɛ nlopi gba a kpaŋ mo.

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Nshɛ 87:7

nɛ bumo be bekama nɛ baaŋ baa boŋ nshɛ a cha na e baa kaŋɛ le: “Anyi alɛ gba la Jerusalɛm to be ndetobia gbagba nna.”

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Ezikɛl 46:10

Jemanɛ nɛ basa na bee luri na a daga fanɛ ewura na gba e luri nseŋ na ŋ lar jemanɛ nɛ basa na naa lar na.

Luuk 15:25

Jemanɛ ere so kikɛ nɛ kanyɛn na be kebia nimuso na wɔ ndɔ to. E ka ba kaa taga to kowu nseŋ nu basa ka bee boŋ nshɛ nsaa cha laŋ na to na

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.

Kɔlɔsiebi 3:23

Kusɔ kama nɛ menyee wora, men baa wora kumo nɛ kagbene koŋwule a nyi fanɛ Enyɛnpe na nɛ menyee shuŋ a sa, mannɛ nyiŋgbasa nawule

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

Demujipoana 21:21

Saŋɛ na so nɛ Shilo be mbichesobi na kaŋ lar a cha kachɛgboŋ achɛ na, nɛ men lar adɔana na to nɛ men be ekama e pɛ eche katiŋso n yɔ mo pe nɛ e ya ki mbe eche ashi Bɛnjamin be kasawule so.

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.

1 Samuɛl 22:18

Nɛ Sɔɔl kilgi ŋ kaŋɛ Duɛg nɛ e shi Edɔm na le: “Mɔ bɔrɛmatapoana na kikɛ!” Kumo be kamɔnchɛ bɔrɛmatapoana nɛ b fo kabɔrɛmata be epiŋi nɛ baa tre Ɛfɔd na be kebuu na be basa aduburwa nɛ anu nɛ Duɛg mɔ.