2 Samuɛl 5:9 - EBƆRƐ BE KAWƆL

⁹ B ka sɔ kumɔlga be kakpa lempo na n loge, nɛ ewura Deevid chena ndoŋ nseŋ nase kumo “Deevid be kade.” Kumo be kaman nɛ e pɔr nwu m bɛ abar so n chambɔ kumo ashi kebee nɛ k wɔ ndoŋ be epeŋilarkpa be kaba so na.

2 Samuɛl 5:9 ပူးပေါင်းရင်းမြစ်များ

2 Samuɛl 5:7

Ama bumo be kumɔlga be kakpa lempo nɛ b pɔr ashi Zayɔn na bre Deevid daŋ kɔ n sɔ kumo nna. Yili loŋ be saŋɛ na nɛ basa fara a tre kumo “Deevid be kade.”

2 Samuɛl 5:8

Kumo be kamɔnchɛ na nɛ Deevid kaŋɛ mbe basa na le: “Menyi to be emo e kishi Jebusiebi ere n fo ma so? B maŋ fo ma kemɔ gba. Men bɔla kakpa nɛ b kur kemaŋ nɛ nchu bee bɔla kumo to a shile a choŋ na n ya kɔ basa nɛ b du fanɛ etanpo nɛ ebobi na.” Amoso nɛ b yili kumo fanɛ etanpo nɛ ebobi maa luri Enyɛnpe Ebɔrɛ be lambu to na.

2 Samuɛl 6:10

E daŋ yili mbe nfɛra nna fanɛ e maaŋ naŋ yɛr kumo Jerusalɛm to, amoso e daŋ ta ŋkre be deka na nna ŋ gbɛ n ya yili Obɛd Edɔm nɛ e la Gaaf be kadetobia na be laŋ to.

1 Bewura 11:27

Kananɛ asheŋ na daŋ nite nde. Ewura Sɔlɔmɔn daa lɔŋɛ Jerusalɛm be egbal na nna a pɔr nseŋ shin nɛ baa sulɔ ajembu a wɔtɔ kemaŋ nɛ k wɔ kumo be epeŋilarkpa be kaba so na to.

1 Bewura 2:10

Deevid ka wu, Jerusalɛm nɛ baa tre Ewura Deevid be kade na, to nɛ b puli mo.

1 Bewura 9:15

Ewura Sɔlɔmɔn daŋ tintiŋ basa nna nɛ b pɔr bɔrɛlambu na nɛ ewura be laŋ na nseŋ sulɔ ajembu m mata kade na be epeŋilarkpa be kaba so be egbal na. Kumo be kaman nɛ e shin nɛ b pɔr egbal ŋ kulti kade na kikɛ. E daŋ shin nɛ b lɔŋɛ m pɔr Hazɔɔ nɛ Majido nɛ Gaza be nde gba nna.

1 Bewura 9:24

Ewura Sɔlɔmɔn be eche nɛ e la Ijipt be ewura pibiche na, daŋ koso Jerusalɛm be kaba ko nɛ baa tre Deevid be kade to na nna n yɔ ewura be laŋ popɔr nɛ ewura Sɔlɔmɔn pɔr n sa mo na to.

2 Bewura 12:20

Shimei pibinyɛn Jozabad nɛ Shoma pibinyɛn Jehozabad nɛ b la ewura Jɔash be benimuana na e kre mbe kemɔ nseŋ mɔ mo ashi kowu nɛ b pɔr n yili kasawule nɛ k wɔ Jerusalɛm be epeŋilarkpa be kemantaŋ nɛ b sulɔ shishɛr n wɔtɔ nɛ k mata kade nɛ baa tre Silla na. Jerusalɛm nɛ k la ewura Deevid be kade to be kakpa nɛ baa puli bewura na, nɛ b daŋ puli Jɔash nɛ mo pibi Amaziya malɛ sɔ mo so n ji kuwura.

1 Kronikɛls 11:8

E daŋ shin nna nɛ b yili kebee na be epeŋilarkpa be kaba so be kakpa nɛ b sulɔ shishɛr m mata na n lɔŋɛ kade na m pɔr nɛ Jɔab malɛ pɔr kakpa nɛ k ka na n chɛ so.

2 Kronikɛls 32:5

Ewura Hɛzekaya daŋ shin nna nɛ b naŋ lɔŋɛ m pɔr kade na be egbal na nseŋ pɔr atempreŋ jeŋgreŋ n yili kumo so nseŋ naŋ pɔr egbal nyɔsopo kedra na be kaman. Ade kikɛ be kaman nɛ e shin nɛ b sulɔ asɔ n ti kemaŋ nɛ k wɔ Jerusalɛm be epeŋilarkpa be kaba so na nseŋ pɔr egbal n yili ndoŋ. E daŋ shin nna nɛ b lɔŋɛ ekpa nɛ abɛlso be asɔkuŋso damta gba.

Nehemaya 3:15

Kolhoze pibinyɛn Shalum, nɛ e daa keni Mizpa be kebonfu so na e daŋ lɔŋɛ m pɔr Kuchubu be Kabuna ekpa na. E daŋ ta kusɔ nna n ti mbuna na. Kumo be kaman nɛ e wɔtɔ akuloŋ nɛ amo be abɛlso be abersobi nseŋ ta ndibi gbɛgbɛso m ber amo so. Mo koŋwule na e daŋ lɔŋɛ m pɔr egbal nɛ k wɔ kakpa nɛ baa tre Shɛla be Kepa na. K daŋ mata ewura be kambɔl na nna nseŋ ta hale n ya fo atemprembi nɛ e dii a yɔ ewura Deevid be kadegboŋ na to na.

Nshɛ 122:3

B pɔr Jerusalɛm fanɛ kadegboŋ nɛ k tir abar to a walɛ kebita nna.

Aizaaya 29:1

Asheŋ maaŋ nyalɛ n sa Jerusalɛm, kakpa nɛ ma bɔrɛsure na wɔ nɛ k la kadegboŋ nɛ Deevid daŋ chena kumo to na! Kumo to be basa beeŋ tiŋ a ji bumo be nchɛgboŋ kafɛ kafɛ kikɛ.

Demujipoana 9:20

Ama nɛ fanɛ kusɔ nɛ men wora Gidiɔn nɛ mbe kanaŋ ere maŋ daga, kumo ere edɛ e shi Abimelɛk kutɔ m ba chɔɔ menyi, Shɛkɛm be benimu nɛ bɔrɛmatapoana nɛ benapo nimusoana na m mur. Kumo be kaman nɛ edɛ e shi menyi alɛ gba kutɔ n chɔɔ Abimelɛk m mur!”

Demujipoana 9:6

Kumo be kaman nɛ Shɛkɛm be benimu nɛ bɔrɛmatapoana nɛ benapo nimusoana na kikɛ shɛr kedibi gboŋgboŋi nɛ k yil m mata kefalta cheembi nɛ k wɔ Shɛkɛm na be kifito nɛ b buu Abimelɛk kuwura.