2 Samuɛl 5:3 - EBƆRƐ BE KAWƆL

³ Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

2 Samuɛl 5:3 ပူးပေါင်းရင်းမြစ်များ

2 Samuɛl 2:4

Ndoŋ nna nɛ Juda be basa na ba Hibrɔn m ba duga ŋku n do Deevid be kumu so a ŋini fanɛ b buu mo Juda be kuwura. Deevid ka nu fanɛ Jabesh nɛ k wɔ Giliad na be basa e puli Sɔɔl,

2 Samuɛl 2:7

Men baa kɔ eleŋ nsaa kɔ kenyɛn! Menyi be ewura Sɔɔl wu, nɛ Juda be basa ta ma ŋ ki bumo be ewura.”

2 Samuɛl 3:21

Kumo be kaman nɛ Abna kaŋɛ Deevid le: “Nɛ fo sa ma akpa, meeŋ shin nɛ Israɛlebi kikɛ e sɔ fo fanɛ bumo be ewura, nɛ fo nya kusɔ nɛ fee sha nsaa ji kuwura kasawule na kikɛ so.” Ndoŋ nna nɛ Deevid ta kɔnɔ lela ŋ kela mo nɛ e yɔ nɛ kayurwushi.

1 Bewura 1:34

nɛ bɔrɛmatapo Zadɔk nɛ anebi Neetan e ya chulgi ŋku n do mbe kumu so m buu mo Israɛl be kuwura. Kumo be kaman nɛ men shin nɛ b foŋ kabel n shin nɛ ekama e cha awɔrso ŋ kaŋɛ le: ‘Ebɔrɛ e sa ewura Sɔlɔmɔn ŋkpa tenteŋ!’

2 Bewura 11:17

Bɔrɛmatapo Jehowada daŋ shin nna nɛ mo nɛ ewura Jɔash nɛ basa na wora kɔnɔkoŋwule be ŋkre fanɛ baaŋ baa ji kashenteŋ a sa Enyɛnpe Ebɔrɛ.

1 Kronikɛls 11:1

Israɛlebi na kikɛ daŋ ba Deevid kutɔ ashi Hibrɔn m ba kaŋɛ mo le: “Fo nio pibiana e la anyi.

1 Kronikɛls 11:3

Amoso Israɛlebi be bejuŋkparpoana nɛ b daŋ ba Deevid kutɔ ashi Hibrɔn na shin nɛ bumo nɛ mo wora kɔnɔkoŋwule be ŋkre ashi Ebɔrɛ be anishito nna. Kumo be kaman nɛ b ta ŋku n do mbe kumu so m buu mo Israɛl be kuwura fanɛ kananɛ Enyɛnpe Ebɔrɛ ŋini anebi Samuɛl na gbagba.

1 Kronikɛls 28:4

Enyɛnpe nɛ e la Israɛl be Ebɔrɛ na e lara ma nɛ ma kaman to ebi fanɛ an baa ji Israɛl be kuwura mbaanaayɔ. N tuto be kanaŋ ashi Juda be yiri na to nɛ e lara fanɛ b baa la bejuŋkparpo. Mbe keparso nɛ e keni n tuto be kanaŋ na kikɛ to n lara ma fanɛ ŋ ki Israɛl be ewura.

2 Kronikɛls 23:16

Bɔrɛmatapo Jehowada daŋ shin nna nɛ mo nɛ ewura Jɔash nɛ basa na wora kɔnɔkoŋwule be ŋkre fanɛ baaŋ baa ji kashenteŋ a sa Enyɛnpe Ebɔrɛ.

Nehemaya 9:38

Ŋkpal le so an sibɛ ŋkre kpakpaso n nase, nɛ anyi be bejuŋkparpo nɛ Livaiebi nɛ bɔrɛmatapoana shuli so nɛ ŋkre na yili.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Joshuwa 10:36

Ade kikɛ be kaman nɛ Joshuwa nɛ mbe benapo naŋ yili Iglɔn m bɔla abee ase n yɔ Hibrɔn n ya kɔ kumo kena

Demujipoana 11:11

Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

1 Samuɛl 11:15

Ndoŋ nna nɛ bumo kikɛ yɔ Gilgaal be kakpa nɛ baa bunyaŋ Ebɔrɛ na n ya yili kumo fanɛ Sɔɔl e la bumo be ewura. Kumo be kaman nɛ b lara kɔnɔkoŋwuleso be esarga ndoŋ nseŋ ji eyur ndoŋ ga.

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.

1 Samuɛl 23:18

Ndoŋ nna nɛ bumo benyɔ kikɛ naŋ nase keteri kpakpaso be nnɔ ashi Ebɔrɛ be anishito n sa abar. Nɛ Deevid bre daŋ shir a wɔ Hɔrɛsh nɛ Jonatan malɛ yɔ epe.