2 Samuɛl 5:20 - EBƆRƐ BE KAWƆL

²⁰ Ndoŋ nna nɛ Deevid nɛ mbe benapo ya kɔ m pɔɔ Filistiebi na so nseŋ kaŋɛ le: “Enyɛnpe Ebɔrɛ bure n luri ma doŋana na to fanɛ kananɛ nchu bee bɔlɔ a shile eleŋso na.” Kumo be kaman nɛ e nase kaboŋ na ketre: “Enyɛnpe Ebɔrɛ nɛ e bee bure e luri na.”

2 Samuɛl 5:20 ပူးပေါင်းရင်းမြစ်များ

2 Samuɛl 19:9

Nɛ Israɛl be basa na kikɛ fara a bile asheŋ a kaŋɛ abar le: “Ewura Deevid e mɔlga anyi ashi anyi doŋana kutɔ, nseŋ naŋ mɔlga anyi ashi Filistiebi kutɔ ama e shile n lar efuli ere so ŋkpal Absalɔm so.

1 Kronikɛls 14:11

Ndoŋ nna nɛ Deevid nɛ mbe benapo yɔ Baal Pɛrazim n ya kɔ m pɔɔ Filistiebi na so, nseŋ kaŋɛ le: “Enyɛnpe Ebɔrɛ bure n luri ma doŋana na to fanɛ kananɛ nchu bee bɔlɔ a luri kakpa na. Ndoŋ nna nɛ e nase kaboŋ na Baal Perazim. Kumo be kifito e la Enyɛnpe Ebɔrɛ nɛ e bee bure e luri to na.”

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Aizaaya 28:21

Kananɛ Enyɛnpe Ebɔrɛ na baŋ kɔ kenishipereso ashi kebee nɛ baa tre Perazim na so nɛ ketaŋɛ nɛ baa tre Gibiɔn na to na nɛ e beeŋ naŋ kɔ le be jemanɛ ere gba. Saŋɛ na so e beeŋ wora kusɔ nɛ e kre kewora na, nɛ k chinchiŋ menyi ŋkpal men ka maa tama kumo so.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.