2 Samuɛl 5:2 - EBƆRƐ BE KAWƆL

² Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

2 Samuɛl 5:2 ပူးပေါင်းရင်းမြစ်များ

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

2 Samuɛl 6:21

Nɛ Deevid kaŋɛ le: “Enyɛnpe Ebɔrɛ maŋ lara esa kikɛ menyi be kanaŋ to fanɛ e ba sɔ fo tuto Sɔɔl so ŋ ki mbe basa be ejuŋkparpo. Ma nɛ Enyɛnpe Ebɔrɛ na lara, amoso nɛ mee cha a maŋkura mo na.

2 Samuɛl 7:7

Enite damta nɛ ma nɛ Israɛlebi ere malɛ nite ere kikɛ, m maŋ naŋ bishi bumo be bejuŋkparpo nɛ n tre fanɛ b baa keni ma basa so fanɛ kananɛ mbolpɔkpapo bee keni mbe mbolpɔ so na be ekama kusɔ nɛ k ba nɛ b maŋ ta ndibi nɛ baa tre sida na m pɔr bɔrɛlambu n sa ma.

2 Samuɛl 7:8

Amoso kaŋɛ ma kayɛrbi Deevid fanɛ ma Enyɛnpetale Ebɔrɛ na e naa kaŋɛ mo ere, Deevid fanɛ n lara fo ashi mbolpɔkpapo be kushuŋ to nna nseŋ ta fo ŋ ki ma basa Israɛlebi be ejuŋkparpo.

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

1 Kronikɛls 11:2

Dra na kikɛ, hale saŋɛ so nɛ Sɔɔl daa la anyi be ewura na gba, fo e juŋkpar Israɛlebi na n yɔ kena to. Enyɛnpe Ebɔrɛ na e daŋ yili kumo fanɛ, fo e naŋ ba ki anyi be ejuŋkparpo nɛ ewura a keni anyi so fanɛ kananɛ mbolpɔkpapo bee keni mbe mbolpɔ so na.”

2 Kronikɛls 1:10

amoso jande sa ma kanyiasheŋ nɛ nfɛra nɛ meeŋ ta n ji bumo so kuwura nɛnɛ, nɛ mannɛ aloŋ, nuso nɛ meeŋ wora n tiŋ n ji fo basa lempo ere kikɛ so kuwura?”

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Nɔmbɛs 27:17

nsaa beeŋ tiŋ ŋ ŋini bumo kena be kekɔ saŋɛ na so fo basa maaŋ baa du fanɛ mbolpɔ nɛ b maŋ kɔ ekpapo na.”

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

1 Samuɛl 13:14

Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 18:13

Ndoŋ nna nɛ Sɔɔl ju Deevid mbe laŋ to nseŋ shin nɛ e ya ki benapo kagboŋ be enimu a juŋkpar bumo a yɔ kena to.

1 Samuɛl 18:16

Ama Israɛl nɛ Juda be basa bre kikɛ daa sha Deevid be asheŋ nna ga ŋkpal e ka daa juŋkpar bumo kena to nɛ baa kɔ a pɔɔ so na so.

1 Samuɛl 18:5

Deevid daa ji kɔŋkɔŋ kusɔ kama nɛ Sɔɔl daa shuŋi mo fanɛ e ya wora to nna. Nɛ Sɔɔl ta mo ŋ ki mbe benapo be enimu gboŋ ko. Kumo be loŋ daŋ wora ekama nɛ Sɔɔl be benapo be benimu na kikɛ ebel ga.

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.

1 Samuɛl 25:30

Enyɛnpe Ebɔrɛ malɛ kaŋ wora alelasheŋ damta nɛ e nase kɔnɔ n sa fo na kikɛ nseŋ shin nɛ fo ki Israɛl be ewura,

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”