2 Samuɛl 5:11 - EBƆRƐ BE KAWƆL

¹¹ Kede be kaman nɛ Taye be ewura Hiram shuŋi mbɔ ewura Deevid kutɔ nseŋ sa mo ndibi nɛ baa tre sida na n ta ekapɛnta nɛ basa nɛ baa ta ajembu a pɔr n ti so fanɛ b ya pɔr ewura be laŋ n sa Deevid.

2 Samuɛl 5:11 ပူးပေါင်းရင်းမြစ်များ

2 Samuɛl 5:12

Ndoŋ nɛ Deevid pin fanɛ Enyɛnpe Ebɔrɛ na e yili kumo kashenteŋto fanɛ e ki Israɛl be ewura nsaa nɛfa mbe kuwurji ŋkpal Israɛlebi na so.

2 Samuɛl 7:1

Ade kikɛ be kaman nɛ ewura Deevid ya chena mbe laŋ to, nɛ Enyɛnpe Ebɔrɛ shin nɛ kayurwushi ba mbe efuli so kikɛ.

2 Samuɛl 7:2

Ndoŋ nna nɛ ewura Deevid kaŋɛ anebi Neetan le: “Keni! Ndibi nɛ baa tre sida na nɛ b ta m pɔr ma laŋ ere, ama Ebɔrɛ be ŋkre be deka na bre wɔ wajɛbu to nna!”

1 Bewura 5:15

E daa kɔ beshumpo ŋgboŋ aduburwa nna nɛ baa shɛl ajembu ashi kebee so be efuli na so nɛ beshumpo ŋgboŋ adushunu malɛ bee sulɔ amo a ba Jerusalɛm be kade to,

1 Bewura 5:18

Ewura Sɔlɔmɔn nɛ ewura Hiram be beshumpo nɛ beshumpo nɛ b kɔ enɔ to be kushuŋ be kenyi nseŋ shi Baiblɔs be kade to na e daŋ ta ajembu nɛ b shɛl na, nɛ ndibi na nɛ b pɔr bɔrɛlambu na.

1 Kronikɛls 14:1

Tai be ewura Hiram daŋ shuŋi mbɔ ewura Deevid kutɔ nna. E daŋ shuŋi ekapɛnta nɛ basa nɛ baa ta ajembu a pɔr nna nseŋ ta ndibi nɛ baa tre sida na n ti so fanɛ b ya pɔr ewura be laŋ n sa Deevid.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Ezikɛl 26:2

“Dimɛdi pibi, Ezikɛl, kadegboŋ nɛ baa tre Tayɛ na be basa daŋ ji eyur nna nseŋ boŋ kashɛ ere ŋkpal Jerusalɛm ka daŋ kɔ n tɔr so: ‘Jerusalɛm bure n tɔr! Nɛ kumo be yawu be keji be eleŋ loge! Amoso k maaŋ naa kɔ anyi kukɔrkɔ ŋkpal yawu be keji so!’

Joshuwa 19:29

Ndoŋ nɛ k yili ŋ kilgi n sɔ Rama n ta n ya fo kadegboŋ nɛ b pɔr egbal ŋ kulti nɛ baa tre Tai na n naŋ yili ndoŋ m bɔla Hosa n ya fo Mɛditerenia be Teku na nɛ Mahalab nɛ Akzib