2 Samuɛl 4:11 - EBƆRƐ BE KAWƆL

¹¹ Shɛŋ shɛŋ maŋ naŋ lubi a chɔ fanɛ basa lubi ka beeŋ ya mɔ esa nɛ e maŋ wora kulubi kikɛ mbe laŋ to ashi mbe gedo so gba! Ma alɛ gba beeŋ wora menyi n tal to ŋkpal men ka mɔ kanyɛn ere so, menyi alɛ gba maaŋ naŋ ji efute durnya ere to.”

2 Samuɛl 4:11 ပူးပေါင်းရင်းမြစ်များ

Jɛnesis 4:11

Ŋkpal fo ka mɔ fo sipo so n sho fo kɔnɔ nsaa ju fo ashi kasawule nɛ k nuu fo sipo na be ŋklaŋ na so.

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 7:23

Ebɔrɛ daŋ mur kusɔ futeso kama nyam nɛ k daa wɔ kasawule so nna. Nowa nɛ bekama nɛ b daŋ ti mo so na nɛ asɔbɔya nɛ mbuibi nɛ asɔ gbeyeso nɛ a daa wɔ kuloŋgboŋ na to na nawule e daŋ ka.

2 Samuɛl 16:8

Sɔɔl be kuwura nɛ fo sɔ nseŋ mɔ mbe basa damta na so nɛ Enyɛnpe Ebɔrɛ bee gberge fo kusoe nseŋ ta fo kuwura n sa fo pibinyɛn Absalɔm nɛ fo asheŋ maŋ naa wu anishi na. Emɔpo e la fo.”

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

Nshɛ 109:15

Enyɛnpetale Ebɔrɛ na e baa nyiŋi mbe kanaŋ kikɛ be alubi; nsaa maŋ naŋ shin nɛ esa kikɛ e nyiŋi bumo be asheŋ kikɛ kuraa!

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Ɛksodɔs 21:12

Esa kama nɛ e ŋmɛa mo barkasa m mɔ, k daga fanɛ b mɔ amodoŋwura gba.

Ɛksodɔs 9:15

Kashenteŋto, nɛ n daa sha nna n dafanɛ n shin nɛ kulɔ lubi mo nɛ k daa beeŋ tiŋ m mur fo nɛ fo basa kikɛ ashi kasawule ere so ba menyi so n chɛr.

Aŋasa 2:22

Ama Ebɔrɛ beeŋ lara basa lubi nɛ basa nɛ b maa ji kashenteŋ ashi kasawule ere so.

Aŋasa 25:26

Esa nɛ e bee wora asheŋ niŋiso baŋ yige mbe kumu to n sa esa lubi, e bee ki fanɛ nchu nɛ a fɔnɔto ŋko eboŋ nɛ b bɔ kumo kesa nna.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Habakuk 1:4

Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.