2 Samuɛl 3:6 - EBƆRƐ BE KAWƆL

⁶ Jemanɛ nɛ Deevid be kanaŋ to ebi nɛ Sɔɔl be kanaŋ to ebi bee kɔ kena na, Abna nawule ashi Sɔɔl be kanaŋ to ebi to be asheŋ woraso e daa bɔlɔ kenishi saŋkama.

2 Samuɛl 3:6 ပူးပေါင်းရင်းမြစ်များ

2 Samuɛl 3:1

Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

2 Samuɛl 3:5

Mo pibinyɛn shesopo e la Itriam nɛ mo alɛ mo nio la Igla na.

2 Bewura 10:23

Ade kikɛ be kaman, nɛ Jehu nɛ Rekab pibinyɛn Jonadab luri Baal be kegbirlambu na to n ya kaŋɛ basa nɛ b wɔ ndoŋ na le: “Men sa maŋ kaŋ shin nɛ basa nɛ baa shuŋ Enyɛnpe Ebɔrɛ na be ekama e luri nfe ama basa nɛ baa shuŋ Baal be kegbir na nawule.”

2 Kronikɛls 25:8

Menyee fɛ nna fanɛ bumo e naŋ shin nɛ men baa kɔ eleŋ, ama Ebɔrɛ na e naa shin nɛ basa bee kɔ a pɔɔ so. Nɛ men shin nɛ b bɛ menyi so e beeŋ shin nɛ men doŋana e kɔ m pɔɔ menyi so.”

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

1 Samuɛl 14:50

Mbe eche e daa la Ahinɔam nɛ e la Ahimaaz pibiche na. Mbe benapo be enimu malɛ e daa la mo tutokar Neer pibinyɛn Abna.