2 Samuɛl 3:24 - EBƆRƐ BE KAWƆL

²⁴ Ndoŋ nna nɛ Jɔab yɔ ewura Deevid kutɔ n ya kaŋɛ mo le: “Manɛ nna nɛ fo wora loŋ? Manɛ nna nɛ fo shin nɛ Abna ba fo kutɔ nseŋ naŋ bɛta?

2 Samuɛl 3:24 ပူးပေါင်းရင်းမြစ်များ

Jɛnesis 12:18

Ndoŋ nna nɛ ewura na shuŋi nɛ b ya tre Eebram m ba nɛ e bishi mo: “Manɛ e ba nɛ fo wora ma loŋ? Nuso nɛ a ji nɛ fo maŋ kaŋɛ ma fanɛ Sɛɛrai la fo eche nna?

2 Samuɛl 3:23

Jɔab nɛ mbe basa ka ba, nɛ b kaŋɛ mo fanɛ Abna nɛ mbe basa ba ewura Deevid kutɔ nɛ e ta kɔnɔ lela ŋ kela bumo nɛ b bɛta.

2 Samuɛl 3:25

E ba nna nɛ e ba fule fo m pin kusɔ nɛ fee wora kikɛ nɛ kaplɛkama nɛ fee du fo aya. Ma alɛ baa nyi geeŋ fanɛ fo nyi kumo be loŋ!”

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

2 Samuɛl 3:8

Nɛ Abna nya agbo ga ŋ kaŋɛ: “Fee fɛ fanɛ meeŋ debɔr Sɔɔl a, ŋko fee fɛ fanɛ n yili Judaebi be kaman nna? Sososo na kikɛ nɛ m bugi kagbene n shuŋ fo tuto Sɔɔl nɛ mo sipoana nɛ mo teriana. Ma alɛ e mɔlga fo ashi Deevid be enɔ to. Ama kabre ma e ki esa lubi fo kutɔ ŋkpal eche so na!

Nɔmbɛs 23:11

Nɛ Ewura Balak kaŋɛ Balaam le: “Manɛ nɛ fee wora loŋ? M bar fo nna nɛ fo ba sho n doŋana kɔnɔ, nɛ fo ba kilgi a nɛfa bumo a!”

Baru lela nɛ Jɔn kute na 18:35

Nɛ Pailat bishi mo: “N la Juw nna a? Fo gbagba be basa nɛ fo bɔrɛmatapowuraana e ta fo m bɔɔ ma enɔ. Manɛ nɛ fo wora?”