2 Samuɛl 3:1 - EBƆRƐ BE KAWƆL

¹ Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

2 Samuɛl 3:1 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

2 Samuɛl 2:17

Nɛ kolu gboŋgboŋi ko koso, nɛ Deevid be basa pɔɔ Abna nɛ mbe basa Israɛlebi na so.

2 Samuɛl 2:28

Kumo be kaman nɛ Jɔab foŋ kabel nɛ mbe basa yige kebaaju a bɛ Israɛlebi na so. Ndoŋ nna nɛ kolu na ku.

2 Samuɛl 22:44

Fo mɔlga ma ashi basa nɛ baa nyaŋɛto a sha nɛ b mɔ ma na be enɔ to nseŋ ta ma ŋ ki efuli pɔtɛana so be ejuŋkparpo hale nɛ baa shuŋ ma.

2 Samuɛl 3:6

Jemanɛ nɛ Deevid be kanaŋ to ebi nɛ Sɔɔl be kanaŋ to ebi bee kɔ kena na, Abna nawule ashi Sɔɔl be kanaŋ to ebi to be asheŋ woraso e daa bɔlɔ kenishi saŋkama.

2 Samuɛl 5:10

Ŋkpal Enyɛnpetale Ebɔrɛ ka daa wɔ mo kutɔ so, e daa nya eleŋ nna a ti so saŋkama.

1 Bewura 14:30

Saŋɛ so nɛ ewura Rehoboam daa la Juda be ewura na, mo nɛ Israɛl be ewura Jeroboam daa kɔ abar kena nna saŋkikɛ.

1 Bewura 15:16

Juda be ewura Asa nɛ Israɛl be ewura Baasha daa kɔ abar kena nna saŋkama.

1 Bewura 15:32

Jemanɛ nɛ Juda be ewura Asa nɛ Israɛl be ewura Baasha daa ji kuwura na, b daŋ baa kɔ abar kena nna saŋkama.

1 Kronikɛls 11:9

Ŋkpal Enyɛnpetale ka daa wɔ Deevid kutɔ so, mbe kuwurji daŋ baa nya eleŋ nna a ti so saŋkikɛ.

1 Kronikɛls 3:1

Saŋɛ so nɛ Deevid daa wɔ Hibrɔn na, mbinyɛnsobi ashe nɛ e daŋ kurge. Kananɛ b bɛ abar so kenimu kenimuso nde: Mo pibi nɛ e juŋkpar e la Ammɔn nɛ mo nio daa la Ahinɔam nɛ e shi Jizreel na. Emo nɛ e bɛ so enyɔsopo e la Danɛl nɛ mo nio daa la Abigɛl nɛ e shi Kamɛl na. Emo nɛ e bɛ so esasopo e la Absalɔm nɛ mo nio daa la Maaka nɛ e daa la Gɛshur be ewura Talmai pibiche na. Emo nɛ e bɛ so enasopo e la Adonija nɛ mo nio daa la Hagif na. Emo nɛ e bɛ so enusopo e la Shefatiya nɛ mo nio daa la Abitaal na. Emo nɛ e bɛ so eshesopo e la Itriam nɛ mo nio daa la Egla na

Ɛsta 6:13

n ya kaŋɛ mbe eche nɛ mo teriana kusɔ nɛ k nya mo kikɛ. Ndoŋ nna nɛ mbe eche nɛ mo teriana na kaŋɛ mo le: “Mɔdikaya ka la Juw be esa ere bre fo maaŋ tiŋ m pɔɔ mo so kikɛ. Baa nyi fanɛ fo eleŋ baa fo ekar nna na. Feeŋ ki esa fuloŋ.”

Ɛsta 9:4

Mɔdikaya daŋ ki esagboŋ nna ashi ewurkpa na nɛ mbe ketre dii ashi efuli na so kikɛ nɛ mbe eleŋ malɛ bee ti so saŋkama.

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Job be kawɔl 8:7

E beeŋ shin nɛ fo echefoso be kebaawɔtɔ e baa bɔ fo kebaawɔtɔ dra na ga.

Nshɛ 18:43

Fo mɔlga ma ashi kumukpakpaso wuraana be enɔ to; nseŋ ta ma ŋ ki efuli pɔtɛana be ejuŋkparpo. Basa nɛ n daa maŋ tama fanɛ baaŋ shuli n sɔ ma ŋ ki bumo be ewura na.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Nshɛ 84:7

Fo basa bee nya eleŋ nna a ti so, n ya fo fanɛ ekama ka beeŋ baa tiŋ a ba Ebɔrɛ na be anishito ashi Zayɔn be kebee na so.

Galeeshaebi 5:17

Ŋkpal manɛ so, kapɔr lubi ere be ayɛlgasɔ maa kukwe Kiyoyu na be ayɛlgasɔ nɛ Kiyoyu na malɛ be ayɛlgasɔ maa kukwe kapɔr lubi ere be ayɛlgasɔ. Loŋ be asɔ anyɔ na la bedoŋ nna nɛ kumo alɛ bee ŋini fanɛ men maaŋ tiŋ n wora kusɔ kama nɛ menyee sha.

Ɛfesesebi 6:12

Ŋkpal manɛ so, mannɛ anyi nɛ edimɛdi e naa kɔ, ama anyi nɛ esoso be kenimujipoana nɛ bejuŋkparpoana nɛ tentembiri to be durnya ere to be eleŋana nɛ esoso be ayoyu lubiana e naa kɔ.

Kelaraŋŋini 6:2

Ndoŋ nna nɛ ŋ keni nɛ gbaŋɛ fuful e yil. Kumo be ediipo daa kɔ keta to nna nɛ b ta kuwurwuro n sa mo nɛ e dii gbaŋɛ na n lar ndoŋ fanɛ ekɔmpɔɔsopo nɛ e ya kɔ m pɔɔ so.