2 Samuɛl 24:14 - EBƆRƐ BE KAWƆL

¹⁴ Nɛ Deevid kaŋɛ le: “Nuso be asheŋ nde? Asheŋ ere be kekama maŋ bɔ! Ama maa sha keji tɔrɔ dimɛdi be enɔ to. Amoso shin nɛ Enyɛnpe Ebɔrɛ gbagba e gberge ma kusoe, ŋkpal manɛ so e la kuwɔrwu be Ebɔrɛ nna.”

2 Samuɛl 24:14 ပူးပေါင်းရင်းမြစ်များ

2 Samuɛl 9:8

Nɛ Mifiboshɛf jɔŋɛ bunyaŋ so ŋ kaŋɛ le: “N nyɛnpe, manɛ nna nɛ fee wora ma alɛ le kelela? Ma kujɔnɔmu fuloŋ ere!”

2 Bewura 6:15

Kare ka chɛ chipurdidi nɛ anebi Elaisha be kayɛrbi tiŋi n lar laŋ to nseŋ wu Siriya be benapo be egbaŋɛ nɛ egbaŋɛturko ka kulti kade na kikɛ. Ndoŋ nna nɛ e ya kaŋɛ Elaisha le: “N nyɛnpe, an wu n loge! Nuso nɛ anyeeŋ wora?”

1 Kronikɛls 21:13

Ndoŋ nna nɛ ewura Deevid kaŋɛ Gad le: “N wɔ kagbenejija be kebaawɔtɔ to nna ama maa sha dimɛdi ka gberge ma kusoe. Ŋkpal Enyɛnpe Ebɔrɛ ka bee wu kuwɔr so, mo gbagba e gberge ma kusoe.”

Nshɛ 119:156

O Enyɛnpe Ebɔrɛ, fo kuwɔrwu be kasha shi ga; jande wu ma kuwɔr nseŋ mɔlga ma.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Nshɛ 130:7

Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi.

Nshɛ 145:9

Enyɛnpe Ebɔrɛ na bee wora ekama kelela nsaa kɔ kashagboŋ a sa mbe asɔ to so kikɛ nna.

Nshɛ 51:1

Enyɛnpe Ebɔrɛ, wu ma kuwɔr ŋkpal fo kasha nɛ k maa loge na so. Kpra ma alubi ŋkpal fo kuwɔrwu na so.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Aŋasa 12:10

Basa lela bee keni bumo be asɔbɔya gba so nɛnɛ nna, ama basa lubi bre be shɛŋ maŋ wɔ bumo be asɔbɔya to.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Jɛremaya 39:17

Ama ma, Enyɛnpe Ebɔrɛ na beeŋ kuŋ fo loŋ be kachɛ na nɛ b sa maŋ ta fo n sa Juda be benimuana nɛ fee ŋana na.

Nfabel 3:22

Kumo e la fanɛ, Enyɛnpe Ebɔrɛ na be alelasheŋ maa loge! E daa maa wu kuwɔr nna, n dafanɛ anyi kikɛ mur.

Danɛl 9:9

Kashenteŋ nna fanɛ an kini kenu n sa fo nseŋ wora kumu kpakpaso, ama fo kraa wu anyi kuwɔr nsaa ta anyi be alubi a paŋ anyi.

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Maika 7:19

Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Baru lela nɛ Jɔn kute na 12:27

Naniere ma kagbene maŋ dese ma, ama nuso nɛ meeŋ wora? Ŋ kaŋɛ n Tuto fanɛ: ‘Etuto, mɔlga ma ashi le be kenishipere ere to,’ ŋko nuso? Ayai, m maaŋ wora loŋ, ŋkpal manɛ so, loŋ so nɛ m ba nɛ m ba ji saŋɛ ere so be awurfoŋ.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

1 Samuɛl 13:6

Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;