Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Samuɛl 24:10 - EBƆRƐ BE KAWƆL

10 Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

အခန်းကိုကြည့်ပါ။ ကော်ပီ




2 Samuɛl 24:10
27 ပူးပေါင်းရင်းမြစ်များ  

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.


Ewura Deevid ka wu Malaika nɛ e daa mɔ basa na, nɛ e kaŋɛ Enyɛnpe Ebɔrɛ na le: “Ma e wora n jija nseŋ wora kulubi n ti so. Nɛ manɛ nɛ bebɔlpo ere malɛ wora? Ma nɛ ma kanaŋ e daga fo ka gberge kusoe.”


Fo baaŋ pɛ bɔrɛ ŋ keta ŋkpal fo basa ka wora kulubi ŋ gbiti fo so nɛ b chɛrga nseŋ kilgi bumo be anishito n shoŋi bɔrɛlambu ere nseŋ bar bumo be amu ase ŋ kule fo,


Ŋkpal ewura Deevid ka shin nɛ b karga benapo na so Ebɔrɛ daŋ nya agbo nna nseŋ gberge Israɛlebi kusoe.


Ndoŋ nna nɛ ewura Deevid kaŋɛ Enyɛnpe Ebɔrɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso jande, ta m paŋ ma ŋkpal manɛ so n wora kawulisheŋ.”


Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”


Ade kikɛ be kaman nɛ ewura Hɛzekaya nɛ Jerusalɛm be basa na bar bumo be amu kaseto nseŋ kule Ebɔrɛ alubi be ketampaŋ nɛ Enyɛnpe Ebɔrɛ ta m paŋ bumo nseŋ maŋ naŋ gberge bumo kusoe n ya fo saŋɛ so nɛ Hɛzekaya wu pɔɛŋ.


Manɛ nna nɛ fo maŋ tiŋ n ta ma lubi m paŋ ma? M maaŋ naŋ chɛr nseŋ yɔ eshishɛr to n ya dese. Fo alɛ beeŋ keni n fin ma, nɛ fo maaŋ wu ma.


Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.


Ndoŋ nna nɛ Fɛɛro shuŋi n tre Mosis nɛ Ɛɛrɔn manaŋ nseŋ kaŋɛ bumo le: “N wora kulubi ŋ gbiti Enyɛnpe, men be Ebɔrɛ na nseŋ wora ŋ gbiti menyi alɛ gba.


Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.


Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.


Ama naniere Enyɛnpe Ebɔrɛ na yɛ: “Men lar men be alubi to m bugi men be ŋgbene n sa ma kashenteŋto nseŋ ta ekishi nɛ anishichubi nɛ ŋgbenejija be kushu m bɛta m ba ma kutɔ.


nɛ e kaŋɛ Mosis le: “Jande n nyɛnpe, sa maŋ gberge anyi kusoe ŋkpal kulubi nɛ an wora kawuliso ere so.


Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.


Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.


Yesu ka kaŋɛ loŋ na nɛ bumo nɛ b nu na fara a yɔ kukoko to. Benimu e daŋ fara loŋ hale nɛ Yesu nawule ya ka nɛ kache na malɛ kraa yil ndoŋ.


Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.


Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.


Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.


Ndoŋ nna nɛ Samuɛl kaŋɛ mo le: “Fo wora kawulisheŋ ga. Fo maŋ bɛ kenishipere be mmalga nɛ Enyɛnpe fo Ebɔrɛ na kaŋɛ fo na so. Fo daŋ bɛ amo so nna e daa beeŋ shin nɛ fo nɛ fo kaman to ebi e baa ji Israɛl be kuwura mbaanaayɔ.


Kumo be kaman nɛ Deevid be nfɛra fara a tɔrɔ mo ŋkpal e ka wora loŋ so.


Ndoŋ nna nɛ e kaŋɛ mbe basa na le: “Enyɛnpe Ebɔrɛ e baa pete ma nɛ n wora n nyɛnpe nɛ Enyɛnpe Ebɔrɛ lara fanɛ ewura kulubi. K maŋ daga fanɛ n wora mo kulubi kikɛ!”


Nɛ Sɔɔl malɛ kaŋɛ le: “M pibinyɛn Deevid n wora kulubi, amoso bɛta a ba! M maaŋ naŋ tɔrɔ fo kikɛ ŋkpal fo ka shin nɛ n ji efute kanyɛ ere so. N wora kawulisheŋ ga! M maŋ wora nɛnɛ!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ