2 Samuɛl 24:1 - EBƆRƐ BE KAWƆL

¹ Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

2 Samuɛl 24:1 ပူးပေါင်းရင်းမြစ်များ

Jɛnesis 45:5

Men sa maŋ shin nɛ men be ŋgbene e jija menyi. Menyi alɛ e sa maŋ nya agbo n wora men be amu ŋkpal men ka daŋ fa ma so so, ŋkpal manɛ so, basa be kenya ŋkpa so e shin nɛ Ebɔrɛ juŋkpar n shuŋi ma nfe.

Jɛnesis 50:20

Menyi ere daŋ kre ma kulubi nna, ama Ebɔrɛ malɛ ta kumo ŋ ki kelela, saŋɛ na so e beeŋ sɔ basa damta nɛ b wɔ ŋkpa to kabre ere n yige ŋkpal kusɔ nɛ k daŋ wora na so.

2 Samuɛl 12:11

Ma Enyɛnpe Ebɔrɛ e naa kaŋɛ fo na fanɛ meeŋ shin nɛ esa ko nɛ e shi fo kanaŋ to e kil asheŋ m ba sa fo. Ma alɛ beeŋ sɔ fo beche fo kutɔ n ta bumo n sa fo kanaŋ to be esa ko nɛ mo bumo e di keche nɛ kenyɛn kowushina kapiidi basa be anishito.

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

2 Bewura 3:6

Ŋkpal loŋ so nɛ ewura Joram lar Samɛria be kade to n ya gbargbar Israɛl be efuli so be benapo abar so.

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

1 Kronikɛls 7:2

Tola malɛ daa kɔ mbinyɛnsobi ashe nna. Bumo e la Uzzi nɛ Refaya nɛ Jeriɛl nɛ Jamai nɛ Ibsam nɛ Shemuɛl. Bumo e daa la Tola be kabuna na be bejuŋkparpo nɛ benapo lempo. Jemanɛ nɛ ewura Deevid daa ji kuwura na nɛ bumo be kaman to ebi daa la basa ŋgboŋ adunyɔ nɛ anyɔ nɛ alfa ashe nna.

1 Kronikɛls 7:40

Ashɛr be kaman to ebi kikɛ nna na. Bumo kikɛ daa la kanaŋ na to be bejuŋkparpo nɛ b kɔ bunyaŋ ga nɛ benapo lempo nna. Ashɛr be kaman to ebi na be bumo nɛ b fo kena to be keyɔ daa wɔ benapo ŋgboŋ adunyɔ nɛ ashe.

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

Ɛksodɔs 7:3

Ama meeŋ shin nɛ Fɛɛro e wora mbe kagbene kpakpa. Hale nɛ n wora etɔɔnɛsheŋ nɛ emamachisheŋ damta m bɛ abar so ashi Ijipt be kasawule so gba,

Ezikɛl 14:9

“Nɛ fanɛ anebi ko sa efɛ be kubɔya, ma Enyɛnpe Ebɔrɛ na e sa anebi na ekpa nɛ e ku efɛ. Ama ma alɛ kraa beeŋ kini anebi na nseŋ lara mo ashi ma basa Israɛlebi to.

Ezikɛl 20:25

Nɛ n daŋ kpal loŋ so n sa bumo mbraana nɛ ŋ gbagba nyi fanɛ b daa maaŋ tiŋ m bɛ amo so n nya ŋkpa.

Levitikɔs 10:6

Kede be kaman nɛ Mosis kaŋɛ Ɛɛrɔn nɛ mbe mbinyɛnsobi, Eliazaa nɛ Itama: “Men sa maŋ kaŋ jija menyi be anishiakpa ŋko ŋ kpɛa menyi be asɔbuuso to a ŋini fanɛ menyee shu keeli nna. Men baŋ wora loŋ menyeeŋ wu. Enyɛnpe Ebɔrɛ na malɛ beeŋ nya agbo n wora kade na kikɛ. Ama men kurgepoana Israɛlebi na bre beeŋ tiŋ n shu ŋkpal bumo nɛ Enyɛnpe Ebɔrɛ na shin nɛ edɛ chɔɔ m mɔ na so.

Nɔmbɛs 1:19

Kananɛ Enyɛnpe Ebɔrɛ kaŋɛ Mosis ashi Sainai be keshishɛrsawule so na gbagba chap nɛ Mosis daŋ wora.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

2 Tɛsalɔnikaebi 2:11

Amoso nɛ Ebɔrɛ bee shin nɛ kefoe ekpa be eleŋ ba bumo to na. Loŋ e naaŋ shin nɛ b yirda kusɔ nɛ k la efɛ.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

Demujipoana 2:20

Ŋkpal loŋ so nɛ Enyɛnpe Ebɔrɛ na daŋ nya agbo n wɔtɔ Israɛlebi na nseŋ kaŋɛ le na: “Israɛlebi ere ka maŋ wora m bɔlɔ ma nɛ bumo nananyɛnana be kɔnɔkoŋwule be ŋkre na so, nsaa maŋ naa nu a sa ma na so,

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.