2 Samuɛl 23:5 - EBƆRƐ BE KAWƆL

⁵ Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

2 Samuɛl 23:5 ပူးပေါင်းရင်းမြစ်များ

Jɛnesis 9:16

Saŋkama nɛ kabɔrɛnyaŋgelambi na lar awɔlpa to, meeŋ wu kumo nseŋ nyiŋi ma nɛ menyi nɛ asɔ futeso kikɛ be kɔnɔkoŋwule be ŋkre na.”

2 Samuɛl 12:10

Amoso fo nanabiana nɛ baŋ koso kachako so na be beko beeŋ wu luwu nyaŋnyaŋso ŋkpal fo ka kini kenu n sa ma nseŋ wora le be kusɔ ŋ ŋaba ma so.

2 Samuɛl 13:14

Ama Amnɔn daŋ maŋ nu n sa kusɔ nɛ Tamaa bee kaŋɛ na nseŋ tintiŋ m pur mo.

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

2 Samuɛl 18:14

Nɛ Jɔab kaŋɛ le: “M maaŋ naŋ yili n jija saŋɛ.” Absalɔm ka sha kedibi gboŋ na so a maŋ naŋ wu na, nɛ Jɔab ta akpa asa m ber abar so n da Absalɔm be kagbene to.

2 Samuɛl 7:12

E kaŋ wu nɛ b ta mo n ya nase mo nananyɛnana be edesekpa, meeŋ shin nɛ mbe mbinyɛnsobi ere be eko e ki ewura, nɛ n shin nɛ mbe kuwurji malɛ e ba kɔ eleŋ ga.

2 Samuɛl 7:18

Ndoŋ nna nɛ ewura Deevid yɔ wajɛbu na to ashi Enyɛnpe Ebɔrɛ be anishito n ya kule Ebɔrɛ ŋ kaŋɛ le: “Enyɛnpetale Ebɔrɛ, kusɔ nɛ fo wora n sa ma ere maŋ daga ma nɛ ma kanaŋ to ebi kuraa.

1 Bewura 1:5

Absalɔm ka wu na nɛ ewura Deevid be eche Hagif pibinyɛn Adonija ki ewura Deevid pibinyɛn nimuso. Mo e daa bɛ Absalɔm so nseŋ daa walɛ kayɛrbi ga. Kachako nɛ e yili kumo fanɛ e beeŋ ta mbe kumu ŋ ki ewura. Ndoŋ nna nɛ mo gbagba fin egbaŋɛturko nɛ egbaŋɛ nseŋ ta benapo adunu fanɛ b baa kuŋ mo. Mo tuto, ewura Deevid, malɛ daŋ maŋ bishi mo kusɔ nɛ k ba nɛ e bee wora loŋ, ŋkpal manɛ so, e maŋ naŋ fiɛ mo so kikɛ.

1 Bewura 11:38

Nɛ fo baa bɛ ma mbra kikɛ so, nsaa wora kusɔ nɛ mee kaŋɛ, fanɛ kananɛ ma kayɛrbi ewura Deevid daa wora na bre, ma alɛ beeŋ baa wɔ fo kutɔ saŋkikɛ. Meeŋ shin nɛ fo ki Israɛl be ewura nɛ fo kaman to ebi gba e baa kaa ji kuwura fanɛ kananɛ n wora Deevid na.

1 Bewura 12:14

fanɛ kananɛ mbrantiɛbia na kaŋɛ mo na, a kaŋɛ le: “Nɛ n tuto daa shin nɛ menyee shuŋ ga, ma ere beeŋ shin nɛ men shuŋ a chɔ loŋ. Nɛ e daa ta kuchuchɔ fuloŋ a kuya menyi so, ma ere beeŋ ta gbaŋɛ be kuchuchɔ ŋ kuya menyi so!”

Nshɛ 111:9

Ebɔrɛ e sɔ mbe basa n yige; mo e wora mo nɛ bumo be kɔnɔkoŋwule be ŋkre mbaanaayɔ. E la esa cheembi nɛ esa gboŋgboŋi nɛ e daga bunyaŋgboŋ nna.

Nshɛ 119:81

N jo fo, Enyɛnpe Ebɔrɛ, nɛ fo sɔ ma n yige n ya gben; ama ma tama kraa wɔ fo kamalga to.

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 89:3

Fo yɛ: “Ma nɛ esa nɛ n lara na wora kɔnɔkoŋwule be ŋkre nna. Ma alɛ nase kɔnɔ nna n sa ma kayɛrbi Deevid fanɛ

Aizaaya 11:1

Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 54:10

Abeegboŋ nɛ abeebi beeŋ tiŋ m bure n tɔr, ama kasha nɛ ŋ kɔ n sa menyi maaŋ loge kikɛ. Meeŋ bɛ kɔnɔ nɛ n naseso ŋ kaŋɛ fanɛ meeŋ sa menyi kayurwushi na so mbaanaayɔ. Kusɔ nɛ Enyɛnpe Ebɔrɛ, nɛ mee sha menyi na kaŋɛ nna na.”

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Jɛremaya 33:21

A loŋ nɛ n nase kɔnɔ n sa ma kenya ewura Deevid gba, fanɛ jemanɛ kikɛ mbe kaman to ebi e naaŋ baa ji kuwura nɛ Livai be yiri to be basa e baa la bɔrɛmatapoana a shuŋ ma jemanɛ kikɛ. Loŋ be kɔnɔ naseso na malɛ maaŋ tiŋ n chɛrga kikɛ.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Ashuŋ Shunso 13:34

Le malɛ nɛ Ebɔrɛ daŋ malga ketiŋi mo luwu to nɛ e maaŋ naŋ bɛta n wu kikɛ na be asheŋ ŋ kaŋɛ: ‘Meeŋ ta nɛfa cheembi nɛ n nase kɔnɔ kashenteŋto fanɛ meeŋ sa Deevid na n sa fo.’

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.

1 Samuɛl 2:35

Meeŋ lara bɔrɛmatapo mo nɛ e beeŋ baa ji kashenteŋ nsaa nu a sa ma. Meeŋ shin nɛ mbe kanaŋ to ebi e ki bɔrɛmatapoana a shuŋ ma ewura laraso na.

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.