2 Samuɛl 23:19 - EBƆRƐ BE KAWƆL

¹⁹ Mo e daa la benapo lempo adesa na kikɛ to be elempo ama mo alɛ daa maŋ kɔ eleŋ n fo benapo lempo asa juŋkparso na so.

2 Samuɛl 23:19 ပူးပေါင်းရင်းမြစ်များ

2 Samuɛl 23:13

Kasɔteŋi be jemanɛ so nɛ benapo lempo adesa na to be basa asa nɛ bumo be atre daŋ dii ga na yɔ ewura Deevid kutɔ ashi Adulam be kebeelaŋ na ase, nɛ Filistiebi na malɛ be benapo ko ya wora bumo be keeyito ashi Refaebi be ketaŋɛ na to,

2 Samuɛl 23:16

Nɛ benapo lempo asa nɛ bumo be atre dii benapo adesa na to na pete n yɔ Filistiebi na be keeyito n ya jɔ ketirbu na be nchu m ba sa Deevid, ama Deevid daa maŋ nu nchu na. E daŋ chulgi amo nna n wurge kasawule fanɛ sarga n sa Enyɛnpe Ebɔrɛ,

2 Samuɛl 23:18

Jɔab mo sipo Abishai nɛ mo nio la Zeruwa na e daa la benapo lempo adesa nɛ bumo be atre daŋ dii na to be ejuŋkparpo. E daŋ ta mbe kekpa nna ŋ kɔ benyɛn alfa asa m mɔ bumo kikɛ nɛ mbe ketre dii fanɛ benapo lempo asa nɛ bumo be atre daŋ dii a chɔɔ ekama na.

2 Samuɛl 23:20

Jehowada pibinyɛn Bɛnaya nɛ e shi Kabziil na gba daa la enapo lempo ko nna: E daa kɔ kenyɛn ga hale n daŋ mɔ Mowabebi be benapo lempo anyɔ ko. Kachako gba e daŋ lar bɔrɛ nɛ abɔrɛjembubi to nna n ya gbelge kejamaŋ to m mɔ buluŋ.

2 Samuɛl 23:9

Enyɔsopo e daa la Eliaza nɛ mo tuto la Dodo nɛ e shi Aho be kanaŋ to na. Kachako nɛ mo nɛ ewura Deevid juŋkpar Israɛlebi na nɛ b ya to Filistiebi na kena be emaŋ nɛ Israɛlebi be benapo bre kikɛ bɛta kaman gbrɛbi.

1 Kronikɛls 11:25

Mbe ketre daŋ dii ga ashi benapo adesa na kikɛ to ama mo alɛ daa maŋ fo benapo lempo asa na so. Mo nɛ ewura Deevid daŋ ta ŋ ki basa nɛ baa kuŋ mo na be enimu.

Matiu 13:23

Asɔ duuso nɛ a tɔr eshishɛr lela to na du fanɛ esa nɛ e bee nu kamalga na nsaa pin kumo to na nna. Le be esa e naa bar tɔnɔ kashenteŋto na fanɛ kananɛ asɔ duuso bee wora bibi na, saŋko a bee wora bibi kalfa, saŋko bibi adeshe, nɛ saŋko malɛ bibi adesa.”

Matiu 13:8

Ama asɔ duuso na be ako malɛ tɔr eshishɛr lela to ŋ kɔr n daŋ n wora. Amo be ako wora bibi kalfa kalfa, ako adesheshe, ako malɛ adesasa.”

1 Kɔrintebi 15:41

Kananɛ epeŋi bee fuli to kɔr kananɛ kufɔl nɛ achɛkpabiana bee fuli to to. Achɛkpabiana malɛ gba to amo be kefulto kɔr abar to.