2 Samuɛl 23:17 - EBƆRƐ BE KAWƆL

¹⁷ nseŋ kaŋɛ le: “Enyɛnpe Ebɔrɛ, nuso gba nɛ meeŋ wora n nuu nchu ere! Ma kenuu amo beeŋ baa du nna fanɛ basa nɛ b ta bumo be amu ŋ kpa kelara ere be ŋklaŋ nɛ mee nuu na!” Ŋkpal loŋ so nɛ e kini kenuu nchu na. Le be kenyɛn be ashuŋ nɛ benapo lempo asa na daŋ shuŋ.

2 Samuɛl 23:17 ပူးပေါင်းရင်းမြစ်များ

Jɛnesis 44:17

Nɛ Josɛf kaŋɛ: “Cha, kaarɛ gba nɛ n wora loŋ. Esa nɛ b wu ma kusɔnuunchu na nawule e naaŋ ki ma kenya. Menyi nɛ men ka na e bɛta a yɔ epe men tuto kutɔ nɛ kagbenewushi.”

Jɛnesis 9:4

Ama men sa maŋ kaŋ we eblaŋ kama nɛ kumo be ŋklaŋ maŋ lar kumo to, ŋkpal manɛ so, ŋklaŋ na to nɛ ŋkpa wɔ.

2 Samuɛl 20:20

Nɛ Jɔab kaŋɛ le: “Kaarɛ gba! Maa ba nɛ m bure ŋko m mur kade ere kikɛ!

1 Bewura 21:3

Nɛ Nabɔf kaŋɛ ewura na le: “N nananyɛnana kutɔ nɛ n ji asɔrso be kudɔ ere be kapetɛ, amoso Ebɔrɛ e baa pete ma gba nɛ n ta kumo n sa fo!”

1 Kronikɛls 11:19

ŋ kaŋɛ le: “M maaŋ nuu nchu ere! M baŋ nuu amo, k beeŋ baa du fanɛ ŋ ka nuu basa nɛ b ta bumo be amu ŋ kpa kelara ere be ŋklaŋ nna!” Ndoŋ nna nɛ e kini amo be kenu. Benapo lempo asa na be kenyɛn nɛ b daŋ ji nna na.

Nshɛ 72:14

Mo e naa mɔlga bumo ashi kamɛaŋ nɛ awurfoŋ to, ŋkpal manɛ so, bumo be ŋkpa be asheŋ tir mo nna.

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

1 Kɔrintebi 15:30

To, nɛ anyi alɛ ai? Manɛ e ba nɛ anyee luri kenishipere to le saŋkama ere?

Demujipoana 5:18

Ama Zɛbyulɔn nɛ Naftali be eyiri be benapo bre ta bumo be ŋkpa nna ŋ kpa kelera n yɔ kena na to.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.

1 Samuɛl 26:11

Enyɛnpe Ebɔrɛ e baa pete ma nɛ m mɔ esa nɛ mo ere Enyɛnpe Ebɔrɛ lara ŋ ki ewura. Men shin nɛ an ta mbe kekpa nɛ mbe kusɔjɔnchu a yɔ.”